Mizoram State Animal Welfare Board thukhawm

/

Mizoram State Animal Welfare Board (SAWB) Governing Body Meeting hmasa ber chu nimin khan AH&Vety Minister, Dr. K. Beichhua hova neih niin hmalakna tur hrang hrang te sawiho a ni.

SAD Conference Hall-a he thutkhawm ah hian thu ngaihtuah tur pali (4) chhawp-chhuah niin Mizoram State Animal Welfare Board chu hun engemaw chen ding tawh mah se hna thawk thei tura tihnun (activate) a ngaih avangin he Meeting-ah hian he Board inrelbawlna kenkawh dan tur an sawiho a. AH&Vety Directorate-ah Joint Director kaihhruaiin Animal Welfare Division siam ni se tih rawtna chu pawmin District tinah Deputy Commissioner te kaihhruaina hnuaiah District Society for Prevention of Cruelty to Animals (DSPCA) pawh hna thawk thei tura din thar leh vek ni se an ti a. He Board tan hian sum awmsa a awm loh avangin an inrelbawlna tur leh hmalakna tur sum mamawh te ruahmanna siamin State Sawrkarah dil nise an ti bawk.

Sumdawn nana Ui inthlah tir (breeding) chungchangah Dan lekkawh thuai ni se tiin Dog Breeding and Marketing Rules 2017 leh Pet Shop Rules 2018-a register te chauh Ui note leh Pet Animal dang - Zawhte, Sava leh Sangha an zuarchhuak thei tawh anga. Implementation of Prevention of Cruelty to Animals (Dog Breeding and Marketing) Rules, 2017 leh (Pet Shop) Rules 2018 kenkawh dan tur chungchangah hian AH&Vety Department hnuaia Animal Welfare Division chu mawhphurhna pek nise tia rawtna chu an pawm bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »