Latest News

Republic Day hman dan tur Bawrhsap hovin rel a ni

Tun thla ni 26-a India Republic Day lo thleng tur Serchhip-a hman dan tur ngaihtuahin nimin khan Serchhip-ah District Bawrhsap, Kumar Abhishek hovin sawrkar mi pawimawh te an thukhawm.

Serchhip DC Conference Hall-a he thutkhawm ah hian Bawrhsap chuan Republic Day hlawhtling taka hman a nih theih nana uluk taka ngaihtuahna seng tur leh mawhphurhna an pek te tha taka hlen tum theuh turin kalkhawm te a ngen a ni.

He meeting hian kumin a Serchhip District-a Republic Day lawmna pui ber hi DC Office tual-ah zing dar 11:00-a nei turin an rel a, District Deputy Commissioner chu khuallian tura beisei niin, Department hotute leh sawm bik ten he hun hi an hmang dawn a, mipuiin an lo chhim ve theih nan Cable TV hmangin prog-ramme pumpui hi tihchhuah tur a ni dawn bawk a, mawhphurhna hrang hrang pawh insem nghal a ni bawk.

Ruahman dan chuan Republic Day den-chhenin kum danga an lo tih thin tawh angin Home leh Hospital hrang hrangah te thilpek sem leh a ni anga, hemi Ni hian zing ni chhuah rualin sawrkar Office tinah Hnam puanzar zar a ni anga, kum-danga neih thin ‘VIP at Home’ erawh neih a ni dawnlo thung a ni.

Comments

Chhiar Hlawhte