Latest News

WATSAN Committe training

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

AMC-ah MNF in sang taka tlin an in beisei

MNF Vice President, Lalthlengliana chuan AMC inthlanna lo awm turah Pathian leh mipui zarah hnehna sang takin MNF AMC Candidate-te an tling ngei dawn niin a sawi.

AMC Ward No.16 Campaign hawnna nimin-a Bethlehem Vengthlang YMA Hall-a neih ah MNF Vice President, Lalthlengliana chuan AMC inthlanna neih turah an khingpui tur Congress leh ZPM-te an chaurau hle nia sawiin, “Pathian leh mipui zarah hnehna sang takin MNF AMC Candidate-te hi kan tling ngei dawn a ni,” a ti. MNF Vice President chuan an Party Constitution-ah 'Group' a awmlo tih pawh sawiin, “Kan duh dan chuan VC khat hnuaiah hian Unit khat hi awm se kan ti a ni. Veng khata Unit tam lutukte hi siam-rem tha kan ti a, Covid avang hian kan inthlang thei lo a, a then chu Hqrs. in kan ruat a, nakinah hripui boruakte a reh chuan Unit pawh hi kan la inthlang ang,” a ti bawk.

Comments

Chhiar Hlawhte