Serchhip District Miss-ah R. Vanlalawmpuii
Miss Mizoram 2024 thlanna neih tura Serchhip District aiawh turin R.Vanlalawmpuii, New Serchhip Khawtetlang chu thlan a ni.
Mizoram Legislative Assembly Speaker, Lalrinliana Sailo chuan Bangladesh ram nena kan insumdawn tawnna atana ruahman, Integrated Check Post (ICP), Kawrpuichhuah leh Trade Facilitation Centre, Tlabung te chu nimin khan a hmunah a tlawh.
Integrated Check Post dinna hmun tur Kawrpuichhuah Tlabung-a inkhawm tawi neihah Speaker, Lalrinliana Sailo chuan kan ram economy thanlen zelna turin ramdang nena insumdawn tawnna tih hmasawn a pawimawh takzet tih sawiin, Kawrpuichhuah leh a chhehvel chu International Trade hmunpui pawimawh tak ala ni chho zel dawn a, hei hian kawng hrang hrangin hmasawnna ala thlen zel dawn a ni, a ti a. He sumdawnna hmunpui ti hlawhtling tur hian Tlabung leh a chhehvel mipuite hmalak puiah a sawm bawk.ICP Kawrpuichhuah dinna tur hian kum 2005 khan M/s Rites Ltd. ten Home Ministry hnenah an survey report thehlutin he ICP dinna tur hian ram 224.99 bigha a zau lak a ni a, India leh Bangaldesh inkalpawhna ti awlsam tur hian Kawrpui lui (Theka)-ah RCC Double Lane Bridge siam tum a ni bawk.
Comments
Post a Comment