Dan bawhchhia man tam

/

Kum kalta (2020) chhung khan Legal Metrology Enforcement Staff te chuan Mizoram-ah Dan bawhchhia thahnem tak manin mi 69 chu thubuai siam sak an ni.

Thudawnna in a sawi danin nikum chhung khan Mizoram-ah ‘The Legal Metrology (Packaged Commodities) Rules, 2011’ bawhchhia mi 69 thubuai siamsak an awm a, dan bawhchhiatna tam ber chu MRP tihchhiat leh a manto a hralhte niin ramdang siam bungrua te a ni tlangpui a. Hemi chungchangah hian Bazar leh Kudam bakah Sumdawnna hmun vawi 226 endik a ni.

Hei bakah hian kum kalta chhung khan Tuialhthei phurtu lirthei 1,493 endikin Petrol khawih chingpen Truck pakhat an man a, LPG phurtu Truck 1,062 endik ni bawkin, buk tlinglo Agency-te hnen atangin bur 296 man a awm bakah dan lova LPG hralhru bur 66 man a awm bawk.

Kum liamta 2020 chhung khan bukna diklo hmang man mi 27 an awm a, chung mite pawisa chawi zat chu Rs. 2,91,000 a tling a. Cement leh rod zuar vawi 135 endikna neih niin, Iron Rod buk tling lo, a tlawna hralh 271 man a awm a, sumdawng pahnih thubuai siamsak an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »