Latest News

MCAB Branch 22-a I&PR Minister in a hawng

Information & Public Relations Minister, Lalruatkima chuan nimin khan a bial chhung, Aizawl Dinthar-ah Mizoram Cooperative Apex Bank (MCAB) Branch thar leh ATM a hawng.

Mizoram Cooperative Apex Bank (MCAB) Branch thar leh ATM thar hawnna hunah hian I&PR Minister chuan Mizoram Cooperative Apex Bank chu Mizo mipuite hmasawnna atana din, thingtlang kilkhawr ber thleng pawha hman theih tur Financial Institution niin he Bank hian kan ram economy-ah hmun pawimawh tak a luah a ni, a ti a. Mizoram Cooperative Apex Bank din chhan bulpui ber chu Mizo mipuite Cooperative (thawhhona) rilru leh thuvawn hmanga sum leh pai-a intanpui tawn leh mi harsa zawk ten leirem an rah ve na atana rahbi siamsak a ni tih sawiin, a din chhan hrereng a, thawktute tan la zual turin a chah bawk.

Mizoram Cooperative Apex Bank hi July 31, 1982-a din a ni a, nimin-a Minister-in a hawn tak Dinthar MCAB Branch hi Branch 22-na a ni. Apex Bank hi Mizoram mipui ta, a hlawkna pawh Mizoram ngeia hman leh hmuh a ni a. Tunah hian thawktu 158 an nei mek a. Kum kalta chhung khan Deposit cheng vbc. 1240.88 an nei a, loan cheng vbc. 792.91 pe in, CD Ratio chu 63.89 neiin hlep (profit) cheng vbc. 12.62 an nei a ni.

Comments

Popular News (Last 30 Days)