Latest News

Rubber & Allied Crops Development Board thukhawm

Rubber & Allied Crops Development Board chu nimin khan an Chairman, Soil & Water Conservation Minister, R. Lalzirliana hovin a Pisa-ah an thukhawm a, Board hmalakna hrang hrang an thlirho.

He meeting-ah hian Ministry of Commerce & Industries leh NABARD te nen tangkawpa Mizoram-a Thelret chinna (rubber plantation) tih hmasawnna tur sawiho a ni a. Rubber chinna atan ram hectare 15,000 laia zau-ah hma lak tum a ni a; Rubber kung te an hnai theih hma-a a chingtute lo intunnun nan Automative Tyre Manufactureres Association (ATMA) chuan tanpuina an pe thei dawn a, hei hian thlai chingtute nasa takin a chhawk thei dawn a ni.

Rubber chinna atan hian NABARD chuan hectare khat (1) ah cheng nuai 3 zel za zela 7-a pung awmin loan a pechhuak thei dawn a, Heta tanga 3.5% hi ATMA in an tum sak thei dawn a. He ruahmanna hi hmarchhak States te tan a nih avangin a titha te ngei duhsak an nih tur thu tarlan a ni. Huan neitu ten he hamthatna hi an dawn theih nan Rubber and Allied Crops Development Board leh a enkawltu department pawhin chak taka hma lak a nih theih nan a tul ang ang te rang taka buaipui turin an inchah a ni.

He Meeting-ah hian SEDP hnuaia kuhva chinna atan sum nuai 75 sanctioned pawh sawilan a niin heng sum te hi awmze nei lova a luanral loh nan a ti puitling tur dik tak, mi taima leh thawkrim ten an dawn theih nan a dawngtu tur thlan kawngah pawh fimkhur taka engkim kalpui a nih tur thu tarlan a ni.

Comments

Popular News (Last 30 Days)