Latest News

IAS Coaching kal turte Laptop Computer hlan

Aizawl South-I bialtu MLA, C. Lalsawivunga chuan Mizoram Youth Commission (MYC) in Indian Civil Service (IAS) Coaching kal tura a thlanchhuah a bial chhung-a mi pahnih te hnenah nimin khan Laptop Computer a hlan.

Aizawl South bialtu MLA, C. Lalsawivunga hian MYC huaihawta, an bial Aizawl South-I huam chhung atanga IAS Coaching kal tura thlanchhuah Malsawmkima S/o Lallianngura, College Veng leh Andrew C. Zonunmawi S/o C. Malsawmkima (L) Bethlehem Veng te chu a chhuang hle tih sawiin, Direct IAS 44 Mizo kan nei tawh a, a tam zawk chu pension tawh tih a sawi a. IAS kan neih hnuhnun ber chu kum 2012 kha a ni leh daih tawh tih sawiin, hetiang kan ni chho zel a nih chuan kan hmabak hi a thim chho viau dawn a ni, a ti a. Heng te a vang hian Zirlai te kan thanharh a kan ram leh hnam tan ti a UPSC-paltlanga IAS, IPS tal nih kan tum chhoh a ngai tih sawiin, zirlaite an tharhthar a ngai hle tih a sawi bawk.

MYC in IAS Coacing kaltur Exam buatsaih in mi 230 in he exam hi hmachhawn in, interview turin mi 40 koh an ni a, chuta tang chuan mi 20 chu IAS Coacing kaltur hian thlanchhuah an ni a, heng thlanchhuah te hian ALS, IAS Academy emaw, Chanakya IAS Academy-ah emaw an duh zawk zawkna ah Coacing hi an kal dawn a ni.

Comments

Chhiar Hlawhte