Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

Mizoram-ah Voters 8,20,972 an awm mek

Nimin khan Mizoram District hrang hrangah Electoral Roll thar tarchhuah niin Electoral Roll thar ber atanga a lan danin Mizoram pumah General Voters 8,16,138 leh Service Voters 4834; a vaiin Voters 8,20,972 a awm mek a ni.

Kumin January ni 1-a kum 18 tling chin te laa Electoral Roll thar tarchhuah tak atanga a lan danin Mizoram District hrang hrang 11-ah hian Assembly bial 40 awmin Polling Station 1242 an awm mek a, General-ah Vote nei thei mipa 3,96,973 leh hmeichhia 4,19,165; an vaiin Vote nei thei 8,16,138 an awm mek a, Service Voters 4834 awm bawkin heng te hi mipa 4771 leh hmeichhia 63 an ni a, heti hian Mizoram pum-a vote nei thei chu mipa 4,01,744 leh hmeichhia 4,19,228 niin Vote nei thei zawng zawng chu 8,20,972 an ni.

District hrang hrang zingah Aizawl District chu Voters tamna ber a ni a, Vote nei thei mipa 1,27,503 leh hmeichhia 1,43,919; an vaiin vote nei thei 2,71,422 an awm mek a, Vote nei thei tlemna ber Hnahthial District-ah Vote nei thei mipa 7659 leh hmeichhia 7867; an vaiin vote nei thei 15,526 an awm mek bawk a ni.

Comments

Chhiar Hlawhte