Latest News

SVEEP Marathon Race nei

Serchhip-a District Election Office buatsaihin nimin zing khan Serchhip-ah Systematic Voters' Education and Electoral Participation (SVEEP) Marathon Race neih a ni.

He Marathon Race hi District Election Officer, Kumar Abhi-shek chuan hmanpuiin Electoral Roll-a hming chuang tawh phawt chuan vote thlak hi kan tih tur leh kan mawhphurhna a ni tih kan hriat thar a tul tih sawiin, kumin-a vote nei thar te pawhin chu chu vawng reng turin a chah bakah Vote thlak hunah Vote thlak ngei turin a fuih a. Hei bakah hian vote nei tawhte leh la nei thar leh zel tur thalai rualte pawh vote thlak hi mipui sawrkar dinna tura lungphum pawimawh, khua leh tuite tih ngei tur thil a ni tih vawng tlat turin a ngen bawk a ni.

SVEEP Marathon-ah hian Hmeichhia 13 leh mipa 38 an tel a, a pumpui-ah Dennis Lal-hruaitluanga, Ramthlun Veng chu pakhatna niin Medal leh pawisafai Rs. 4000/- a dawng a. Lalchhan-hima, Chanmari Veng chu pahnihna niin Medal leh pawisafai Rs. 3000/- dawngin pathumna Lalrinchhana, Khawtetlang chuan Medal leh Rs. 2000/- a dawng bawk a ni.

He intlansiak-ah hian Special Prize hmei-chhe tan bik siam niin Lalrempuii, Ramthlun Veng chu pakhatna niin Rs. 2000/- a dawng a, Abigail Lalthazuali, Darnam Veng chu pahnihna niin Rs. 1500/- a dawn bakah C. Lalngaihawmi, College Veng chu pathumna niin Rs. 1000/- a dawng bawk a. Heng lawmman te hi District Election Officer, Kumar Akhishek leh Serchhip District SP, R. Sathiyasundaram ten an hlan a ni.

Comments

Chhiar Hlawhte