Mizoram-ah COVID-19 hri kai hmuh belh ve zel

/

Zirtawpni-a Mizoram-a Sample enfiah atangin COVID-19 hri kai mi 4 hmuh an ni a, Inrinni-a Sample enfiah atangin hri kai mi 8 hmuh leh an ni bawk.

Zirtawpni khan Mizoram-ah Sample 886 enfiah niin heng atang hian hri kai mi pali te hi hmuh an ni a, ZMC Laboratory-ah Sample 378 enfiah niin hri kai pathum hmuh an ni a, an vai hian tunhnaia State pawn atanga rawn lut niin an zinga pahnih hi Company hnuaia hna thawk tura rawn lut an ni a. Rapid Antigen Test hmangin Sample 384 enfiah niin hri kai pakhat hmuh a ni bawk a, hri kai hmuhchhuah hi Lawngtlai District mi niin Hostel-a a luh dawn avanga Sample enfiahna ah hri a kai tih hmuhchhuah niin hri a kaina chhui mek a ni a, District hrang hranga TrueNat Laboratory-a Sample enfiah 124 atangin hri kai hmuh erawh an awmlo thung a ni.

Inrinni khan Mizoram-ah Sample 784 enfiah leh niin heng atang hian hri kai mi 8 hmuh an ni bawk a, ZMC Laboratory-a Sample 385 enfiah atangin hri kai mi 6 hmuh niin an zinga mi 5 chu tunhnaia State pawn atanga rawn haw niin an zinga 4 te chu chhungkaw pakhat ami te an ni a, hri kai dang pakhat hi naupang hri kai enkawl mek awmpuitu a ni thung. Inrinni-a hri kai hmuhchhuah dang pahnih te hi Rapid Antigen Test mi 277 te atanga hri kai hmuh niin pakhat hi Ramlaitui khua, lirthei a chetsualna avanga damdawi In panpui a nih hnua hri kai tih hmuhchhuah a ni a, midang pakhat hi Kolasib District-a hri kai hmuhchhuah, hri dona kawnga thawk a ni thung. District hrang hranga TrueNat Laboratory-ah Inrinni khan Sample 122 enfiah niin hri kai hmuh an awmlo thung a ni.

Mizoram-a COVID-19 hri kai te zingah Inrinni khan mi 3 te chu anmahni enkawlna hmun atanga chhuahtir leh niin nimin, Pathianni khan mi 7 te chu chhuahtir an ni ve leh bawk a, heti hian nimin tlai dar 5:00 thleng khan Mizoram-a hri kai hmuhchhuah chu 4322 niin heng zinga 4235 te chu enkawl dam an ni tawh a, hri kai hmuhchhuah tawh atangin za zela 97.98 te chu enkawl dam ni tawhin tunah hian hri kai enkawllai 78 an la awm mek a, hri kai zingah nunna chan chu mi 9 an la ni mek bawk a ni.

India-ah hri kai enkawl dam an pung chho zel :

Nimin thleng khan India ramah COVID-19 hri kai 1,05,57,985 hmuhchhuah an ni tawh a, heng zinga 1,01,96,885 te chu enkawl dam ni tawhin India rama hri kai hmuhchhuah atanga za zela 96.58 te chu enkawl dam an ni tawh a ni. Tunah hian India ramah COVID-19 hri kai enkawllai mi 2,08,826 an la awm mek a, hri kai zingah nunna chan mi 2,08,826 an awm tawh bawk a ni. Darkar 24 kalta chhung khan India ramah hri kai hmuhchhuah thar 15,144 chauh an awm a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »