Nizung chakna hmanga Tui lakna tur Project hawng

Irrigation and Water Resources Minister, C. Lalrinsanga chuan Nulzau Minor Irrigation Project, Phairuangkai hnuaia Nul siamtute tuilakna tur, nizung chakna hmanga siam chu nimin khan a hawng.

Nizung chakna hmang Nulzau Minor Project hawnna hunah hian Irrigation and Water Resources Minister, C. Lalrinsanga chuan ni zung chakna hmanga nasa zawka kuthnathawktuten hma an sawnna tur chu kalpui turin ruahmanna siam mek a nih thu sawiin, thlai thartuten an thlai thar an dahthatna, Cold Storage pawh kawlphetha in a thlen phaklohna hmun thingtlang khuaah te pawh Nizung chakna hmang tangkai a dah tum mek a nih thu a sawi a. Kuthnathawktute chu sawkar kuta innghat pumhlum lo tur leh an tih theih bakah erawh sawrkar chu a chet zel tur thu Minister hian a sawi bawk.

Nimin-a hawn tak Nizung chakna hmanga tui pump na hi Mizoram-a Solar pump hmanga Irrigation Project hmasa ber a ni a. NABARD sum cheng nuai 58 chuang senga siam a ni a, ram Hactare 24-a zau Nul thlai chawm thei tura ruahman niin, loneitu 25-in an chhawr mek a, he Project hian tui dahkhawlna 16, litre 6000 dawng leh Solar Pump set 16 a keng tel bawk a, Set khat hian ni khatah tui litre 5000 atanga 6000 a pump chhuak thei a ni.