'Lalnu Ropuiliani Phumna Ralvawng-ah' tih tlangzarh

Ralvawng Khawchhuak Insuihkhawm Committee buatsaih 'Lalnu Ropuiliani Phumna Ralvawng-ah' tih lehkhabu chu nimin khan MJA General Hqrs. President, Zonunsanga Khiangte chuan Aizawl Press Club-ah a tlangzarh.

Hemi puala inkhawm buatsaihah hian MJA President chuan Lalnu Ropuiliani phumna chu kum za chuang a ral hnu ah Lalsangzuali Sailo-in a chhuina a ziahna lehkhabu a tihchhuah atangin mipui nawlpui ngaihven a hlawh ta chauh nia sawiin, he lehkhabua sawrkar lehkha an ziahchhawn danah Ralvawng pa ho chu Lalnu Ropuiliani ruhro la tura zuk kal an nih angin, mahni khuaa phum awm tak chu a ni tih a ngaihtuah theih tih a sawi a ni.

He lehkhabu hi ‘Lalnu Ropuiliani phumna chu Ralvawng hmunah a ni’ tia an tanchhan hrang hrang tarlanna a ni a. Ralvawng Khawchhuak Insuihkhawm Committee bultuma a bu-a siam a ni.