Latest News

Mizoram-ah hri kai thar 3 leh enkawl dam 2 an awm

Niminpiah khan Mizoram-ah COVID-19 hri kai mi pathum hmuh belh leh niin nimin khan hri kai mi 2 te enkawl dam leh an ni.

Niminpiah khan ZMC Laboratory-ah Sample 158 enfiah niin heng atang hian COVID-19 hri kai hmuhchhuah an awm lova, District hrang hranga TrueNat Laboratory-ah Sample 136 enfiah niin hri kai hmuhchhuah pahnih an awm thung a, heng hri kai hmuhchhuah te hi Lunglei District-a hri kai hmuhchhuah niin BSF sipai, tunhnaia State pawn atanga rawn haw leh inkhunghranna hmuna awmlai an ni.

Niminpiah khan Rapid Antigen Test hmangin Sample 819 enfiah niin hri kai pakhat hmuhchhuah a ni a, hri kai hmuhchhuah hi Lawngtlai khaw mi niin Aizawl-a Private Hospital-a inentir tura kal, Screening Point-a hri a kai tih hmuhchhuah niin hri a kaina chhui zui nghal a ni bawk.

Nizan hmasa khan Mizoram-a hri kai enkawl mi 5 te chu hri lakah fihlimin anmahni enkawlna hmun atanga chhuahtir an ni a, nimin khan mi 2 te chu anmahni enkawlna hmun atanga chhuahtir leh an ni bawk. Heti hian nimin tlai dar 5:00 thleng khan Mizoram-ah Sample enfiah 2,04,372 atangin COVID-19 hri kai 4362 hmuhchhuah an ni tawh a, an zinga 4313 te chu enkawl dam ni tawhin hri kai zinga 98.88% te chu enkawl dam an ni tawh a, tunah hian hri kai enkawllai 40 la awm mekin hri kai zingah nunna chan mi 9 an awm tawh bawk a ni.

Comments

Chhiar Hlawhte