Latest News

Harsatna sukiang tura hmalak a tul

Harsatna sukiang tura hmalak a tul

Serchhip khawpui chhung Kawlphe-tha inpekchhawnna chungchangah tunhnai chho ah harsatna kan tawk ta zeuh zeuh a,  mihring leh lirthei hmanga tihchhiat chang te a awm bakah zan lamah te khawchhung Eng pekna hrui lo chat te hriat tur a awm fo mai a, hei vang hian P&E Department lama thawkte pawh an buai thin hle mai a, zan lam pawh sawi thei lovin khawvawt hnuaiah zan rei tak tak thlengin an buai phah fo bawk a, thawktute inpekna a lawmawmin hetianga an inpekna avang hian mipui ten harsatna kan tawh tam tak pawh sutkian a ni thin a ni.

Serchhip khawpui chhung Power Supply kan inpekchhawnna kawnga harsatna kan tawh thin hi a chhan chiang taka sawi theih ni lo mah se kawlphetha kan hman nasat chhoh zelah kan kawlphetha inpekchhawnna hman-rua te a hlui deuh tawh avanga kan hmanrua in a zawh tak loh vang ni berin a lang a, hei vang hian mipui ten harsatna tam tak kan tawh phah bakah thawktute pawh an hah phah em em a, heng harsatna kan tawh thin sutkian a nih theihna tur atan leh harsatna awm thei laka kan invenna tur hian a rang lama hma kan lak a pawimawh tawh hle a ni.

Khawvel a changkang chho zel a, kan nitin hnathawhna kawng hrang hrangah chak zawk leh awlsam zawka hna kan thawh theih nan khawl tha te kan mamawhna a sang zel a, heng kan khawl tam ber te hi Electric Current hmang te a nih avangin kawlphetha kan mamawhna pawh a sang zel dawn a ni. Hei vang hian heng khawl tha te tangkai taka kan hman theihna tur hian kan sawrkar thuneitute pawh pawh an inbuatsaih a, khawl leh hmanraw tha nen-a an inthuamchhoh ve zel hi a pawimawh hle a ni.

Comments

Chhiar Hlawhte