Mizoram Rajya Sabha MP in Zokhawthar a tlawh

/

Mizoram Rajya Sabha MP, K. Vanlalvena chuan Inrinni khan Champhai District-a Zokhawthar tlawhin, khawtlang mamawh leh harsatna hrang hrangte a enpui.

Rajya Sabja MP hnenah hain khawtlang hruaitu ten an harsatna tawh te lo thlenin, Helicopter tumna atana khelmual hman a nih avanga a bulhnai te te-ah chenna In leh Zirna Sikulte a awm bawk avanga harsatna an tawh thinte chu enin, hmundang remchang laia sawn dan turte an sawipui a. Assam Rifles Camp chu kum 10 chhung atana hawh a nih bakah, mipuite tan Inhmun-ah a tul avanga sawn tura hmalakna kal mek bawhzui turte bakah Middle School luah ngam loh leh tlak tawh loh pawh a hmunah a en bawk. Rajya Sabha MP hian ramri a insumdawntawnna pisa tlawhin, bungraw lo lut lo endikna hmun, Plant Quarantine Station bakah kawngpui laih leh siamthat hna thawh mek te a en bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »