COVID Team ten CCC tifai

Serchhip District-a COVID-19 Team hrang hrangte chuan nimin khan Serchhip Nursing School CCC thenfai hnatlang an nei.

    Serchhip Chanmari Veng-a Nursing School hi Mizoram-a BSF Sipai zinga COVID-19 hri kai an tam tak hnuah sawrkar chuan COVID Care Centre (CCC)-ah ruahmanin BSF Sipai zinga hri kai te enkawlna atan nikum August 18 atang khan hman a ni a, BSF Sipai zingah hri kai an tlem hnuah pawh hri kai dang enkawlna atana hman zui a ni ta zel a, hun rei tak chhung mumal taka tihfaina hun a awm tak loh hnuah hri kai en-kawllai an awmloh lai remchang ah hmangin nimin khan COVID-19 Team hrang hrang te chuan Dr. Kapthianga i/c CCC hovin Nursing School CCC tihfai hna hi an thawk a ni. He hunah hian PPE-a inthuam chungin CCC Room hrang hrangte an tihfai bakah a kawtkai leh a vel te an thianfai a ni. Nimin-a hnatlang ah hian Sample la tu te, TrueNat Laboratory-a thawk te leh Monitoring Team bakah Office lama thawk te pawh an tel a ni.