Latest News

Ni 18 hnuah hri kai hmu leh

Serchhip District-ah ni 18 chhung zet COVID-19 hri kai hmuhchhuah an awmloh hnuah nimin-piah khan hri kai pakhat hmuhchhuah leh a ni.

Thudawn danin niminpiah khan Serchhip District-a TrueNat Laboratory-ah Sample 40 enfiah niin heng atang hian COVID-19 hri kai mi pakhat hi hmuhchhuah a ni a, he hri kai hmuhchhuah hi tun thla ni 12-a State pawn atanga rawn lut, Tantia Company hnuaia Thenzawl leh Buarpui inkar an Camp-a inkhunghrang lai a ni a, amah ah hri kai lanchhuahna awmlo niin Nursing School CCC-ah enkawl tur a ni ang. Niminpiah-a Rapid Antigen Test hmanga Sample 59 enfiah ah hri kai hmuhchhuah erawh an awmlo thung.

Heti hian Serchhip District-a COVID-19 hri kai hmuhchhuah chu mi 180 an tling ta a, an zinga mi 178 te chu enkawl dam ni tawhin tunah hian hri kai enkawllai mi pakhat ala awm a,nunna chan mi pakhat a awm tawh bawk a ni.

Comments

Chhiar Hlawhte