Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Cooperation Minister in Mobile ATM Van a vailiam

Mizoram Co-operative Apex Bank (MCAB) Mobile ATM Van chu nimin zing khan Aizawl Tuikual-a MCAB Head Office atangin Cooperation Minister, C. Lalrinsanga chuan a vailiam.

MCAB Mobile ATM Van vailiamna puala inkhawm tawi neih ah Cooperation Minister, C. Lalrinsanga chuan Mizoram-a a hmasa ber atan MCAB Mobile ATM Van pahnih vailiam a ni chu lawmawm a tih thu sawiin, Mizoram chhunga Primary Agriculture Credits Society (PACS) tana nasa taka thawk thin MCAB chu Scheduled Bank ni turin NPA 5% pelh ngaiah NPA 3.61% dinhmunah ding mekin, Bank tha tehna CRAR (Capital Risk Assets Ratio) 16% neiin, Cash Deposit Ratio 62% a nih thu a sawi.

Loan pekchhuahah MCAB chuan a titha hle nia sawiin Cooperation Minister chuan, kum 2 chhungin Profit Turn Over chu 9.24% atangin 12.62% ah a chho tih a sawi a. Financial Inclusion tih hlawhtlin a nih theih nana NABARD in 75% tuma MCAB kaltlanga Mobile ATM Van chuan Bank neilo khuaah te pawisa leng vakin awmzia a neih a rin thu a sawi a, sawrkar hmalak mekna Aizawl khawpuia Supply Fruit, Vegetables and Livestock Market Chain kalpui tur atan pawh Mobile ATM Van hi a pawimawh dawn tih a sawi bawk.

Mobile ATM Van hi Bank leh ATM awmlohna hmuna chengten ATM hmanga Bank Service an chhawr ve theihna tura Apex Bank leh NABARD thawhhona a neih a ni a, he Mobile ATM Van pahnih hi Aizawl leh Lunglei District tana duan hmasak a ni a, a hlawhtlin dan a zirin NABARD chuan sponspor belh zel a in huam a ni. Mobile ATM hi Mahindra Bolero-a vuah niin, Apex Bank Account bakah Bank danga Account neite pawhin pawisa an la chhuak thei dawn a ni.

Comments

Chhiar Hlawhte