Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Hrileng kara khawsak zir zel a tul

Hrileng kara khawsak zir zel a tul

Khawvel in a buaipui, COVID-19 hri leng avangin nikum lamah Mizoram in har-satna nasa tak kan tawk a, inkharkhipna te nasa taka kalpuiin hri leng laka kan him theih nan sawrkar leh tlawmngai pawl bakah Koh-hran ten hma kan la a, heti chung hian hri leng mek kai erawh kan State chhunga mi tam tham tak kan awm thung a. Kumin ah pawh kumthar kan chuankai chauh laiin hri kai erawh hmuh belh an awm deuh reng a, amaherawh chu kan nitin khawsak phung ah ke kan pen ve zel a tul si avangin inkharkhip te kalpui reng theih a ni lova, hri leng laka him chunga khawsak phung kan herrem ve zel hi a pawimawh hle a ni.

Kan hriat angin COVID-19 hri leng mek hi nikum lamah kan hmelhriat ve chauh a, khawvel pawhin ala hriatchian hma a nih avangin kan fimkhur dan chen pawh a inang lo nual a, thenkhat tan chuan nuihzatthlak te pawh a awm hial mai thei. Amaherawh chu he hri leng hi a dinhmun tlangpui kan hriat belh zel a, hri laka him tura fimkhur dan tur pawh kan hriat belh zel a, tunah chuan he hri leng laka him chung sia-a khawsak dan tur pawh thiam chho tan tawh viau a ni.

Kan hriat angin COVID-19 hri leng hi mihring atanga inkaichhawn a ni ber a, hei vang hian midang nena inkawmhnaih loh chu hri laka kan himna tura pawimawh ber a ni. Chutihrual chuan kawng hrang hrangah thil tih ho leh khawsak ho a tul avangin hmui leh hmai tuamna (Mask) te uluk taka kan hman reng a pawimawh hle mai a, kan taksa-ah he hri, kan ka leh taksa dang kaltlanga a luh loh nan Sahbawn leh kut silfaina hmanga kan kut kan silfai fo te hi hri laka kan him theihna tura thil tangkai a ni tih i hre reng ang u.

Comments

Chhiar Hlawhte