Latest News

VC Seal leh Signature lem hman vangin FIR thehlut

Bilkhawthlir VC huamchhûnga Periodic Patta siamna lehkha pawimawh siamna turin Bilkhawthlir North VCP hlui Seal leh a Signature lem hman a nih avangin Bilkhawthlir Joint VC te chuan Bilkhawthlir Police Outpost-ah FIR an thehlut.

Thudawn danin tunhnai khan Revenue Office Kolasib-ah Aizawl mi nia insawi mi 13 leh Lunglei, Serchhip leh Tachhip khua nia insawi mi pakhat theuh, an vaiin mi 16 te chuan Periodic Patta dilna hi an thehlut a, Periodic Patta an dilna a VC pass an thil tel te chu kum 1982 ami a ni a, Typewriter-a chhut niin an Seal hman chu tunlaia an hman thin, Self-ink a ni thung a. An Seal hman hi Bilkhawthlir North VCP Seal niin Bilkhawthlir North VCP ni thin, F. Tlangkhuma signature hman a ni bawk a. Amaherawh chu VCP hming an hman hi kum 1982-ah Bilkhawthlir-ah a la awm lo niin Bilkhawthlir Joint VC ten an sawi.

Hetianga VC Pass lem leh Seal lem siam hi tunhnaia National Highway siam thar tur compensation lâkna atana tih ngei a nih an ring a, diklo taka thil titute hian hremna an hmuh theihnan Inrinni khan Bilkhawthlir Police Out Post-ah FIR an thehlut a ni. Periodic Patta an dilna hmun hi Bulkhawthlir dai tih vek a ni a, Bilkhawthlir Joint VCP, Laldinpuia chuan diklo taka thil titute hi Police ten an chhuichhuah sak ngei a beisei tih a sawi bawk.

Comments

Chhiar Hlawhte