Latest News

Lokayukta Report thehlut

Mizoram Lokayukta in kum khat chhunga a hnathawh a chhinchhiahna, ‘Annual Report 2019-20’ chu nimin khan Mizoram Larsap, P.S. Sreedharan Pillai-a hnenah thehluh a ni.

Mizoram Lokayukta Report hi Mizoram Lokayukta Chairperson, C. Lalsawta chuan Raj Bhavan-ah thehlutin Mizoram Larsap. P.S. Sreedharan Pillai chuan  a lo dawng a, Lokayukta-a thawk te chu Corruption dona kawngah theihtawp chhuah chhunzawm turin a chah a. Mipui ten Mizoram Lokayukta tangkai taka an hman theih nan mipui hnenah inzirtirna nasa zawka inpek a ngai tih a sawi a. Governor hnenah hian Lokayukta Chairperson, C. Lalsawta chuan Mizoram Lokayukta buatsaih Annual Report 2019 -20 kaihhnawih bakah an hmalakna thenkhat te tawngkain a hrilh bawk a ni.

Mizoram Lokayukta Chairperson, C. Lalsawta hi March 11, 2019 khan lakluh niin tunah hian thawktu 27 an awm mek a, Aizawl Tuikual South-a F.Kapsanga Building-ah Office an nei a. Hun reilote ah Director pahnih ruat in Inquiry Wing leh Prosecution Wing hawn tum a ni a. Mizoram Lokayukta hian Complaint Case 24 a dawng tawh a; heng zingah hian case 4 chu khar tawh a ni. Hearing vawi 2 neih a ni tawh a; Hearing vawi 8 la neih thuai tur atan pawh a hun leh ni te ruat fel a ni tawh bawk.

Comments

Popular News (Last 30 Days)