Latest News

Republic Day hmang dawn

India Republic Day vawi 72-na lo thleng tur Serchhip-a lawm turin inbuatsiahna peihfel a ni tawh.

India ram in ama Dan siam hmanga ro a rel tanna ni, India Republic Day vawi 72-na hi kumin hian hri leng avangin kumdanga hman angin kumin hian hman theih a ni dawn lova, Serchhip-ah chuan zing dar 11:00 atangin Ser-chhip DC Office Tual-ah hman tura ruahman niin District Bawrhsap, Kumar Abhishek chuan India Hnam puanzar a pawtparh anga, hemi hnu hian nikum-a Faina Hapta hman taka Faina kawng-a inelna hrang hranga tithate hnenah lawmman a hlan anga, mipuite hnenah thuchah a sawi bawk ang. Republic Day pual hian Home leh Damdawi In hrang hrangah te thilpek sem a ni anga, sawm bik te telin he Programme hi mipui ten In lam atanga an lo chhim theih nan Tualchhung Cable TV-ah te live telecast a ni ang.

Kumdanga 'VIP At Home' buatsaih thin chu kumin hian hri leng avangin buatsaih a ni dawn lova, Volleyball Tournament buatsaih thin pawh buatsaih a ni dawn lo bawk a ni.

Comments

Chhiar Hlawhte