NEC Plenary Meeting-ah Home Minister telin sum leh pai-ah NEC thuamchak zel nise a duh thu a sawi

/

North Eastern Council (NEC) Plenary Meeting vawi 69-na chu ni 2 chhung neih a nih hnuah nimin khan zawhfel a ni a, he Meeting hi NEC Chairman leh Union Home Minister, Amt Shah hova neih niin Mizoram atanga tel Home Minister, Lalchamliana chuan NEC chu sum leh pai-a tuamchak zel nise a duh thu a sawi.

NEC Plenary Meeting vawi 69-na hi Shillong-ah neih niin Mizoram atanga tel Home Minister, Lalchamliana chuan Union Home Minister hova NE States hotu lu ber ber te leh Central Sawrkar a Ministries/Departments pawimawh ho zawng zawmg kalkhawm a 69th Plenary Meeting buatsaih ani chu lawmawm a tih thu a sawi a. Mizoram-ah NEC project tha tak tak kalpui tawh thin anih thu leh kalpui mek anih thu sawiin, hmasawnna hna tam zawk kalpui tura sum leh pai-ah pawh thuamchak zel ni thei se a duh thu a sawi a ni.

Meeting-a thu ngaihtuah tur sawihona ah Home Minister chuan Mizoram in Bamboo Sector lamah chak taka hma a lak mek thu leh NEC/Ministry of DONER leh Sawrkar laipui pawhin hemi kawngah hian nasa taka min puih chhoh a beisei thu a sawi a, Oil Palm-ah pawh NE States zingah hma la hmasa leh hmahruaitu Mizoram anih thu a tarlang bawk. Oil Palm kalpui zelna turah zirchianna mumal neih a pawimawh a tih thu sawiin, Oil Palm chingtute tana harsatna awm thei leh ram tana tha tur zawka kalpui dan tur mumal tak ruahman hmasak theih nise tha a tih thu a sawi a. Horticulture lamah pawh chak zawk leh hlawk zawka hma la thei turin Post Harvest Management lam te, Transpostation leh Cold Storage lam ngaihpawimawh a tul a tih thu a sawi bawk.

Home Minister chuan North East India-ah investment tam zawk lut thei turin ‘Ease of Doing Business’ lama chak zawka hmalak a ngaih thu sawiin, Mizoram lam pawhin ‘Ease of Doing Business’ lam leh ‘Entrepreneurship Development’ lamah chak taka hma a lak mek thu a tarlang bawk.

Project Management lamah hmasawnna nei turin Multilateral leh Bilateral Funding Agencies te nen Technical Cooperation neih nasat a thaa a rin thu tarlangin Home Minister chuan, External Aided Project hmu tha lehzual turin Funding Pattern siamtha a 20% Counterpart Funding State atanga phut chu tihbo nise tiin a rawt a. Pandemic avanga State sum dinhmun thalo siam-tha tura theihtawp chhuah a tanpuina buatsaih turin Central Sawrkar a ngen bawk.

NEC Plenary Meeting-ah hian DoNER Minister, Dr Jitendra Singh leh NE-a Chief Minister leh Governor te an tel bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »