Police ten Heroin man

Serchhip Police te leh Serchhip Sub-Hqrs. YMA Anti-Drug Squad te chuan Inrinni zing khan Heroin No. 4 Hawng khat manin a neitu nia hriat mi pahnih pawh man nghal an ni.

Serchhip Police te leh Serchhip Sub-Hqrs. YMA Anti-Drug Squad te hian an thudawn bawhzuiin Zir-tawpni zan khan Serchhip a Heroin No. 4 rawn lut tur nia an hriat hi Keitum khua ah an lo chang a, tlaivar-a an chan hnuah Inrinni zing khawvar hnu deuh khan Champhai atanga rawn haw Car pakhat, Mz-06-7856 a chuang te atangin Heroin No. 4 tlem an man ta a ni.

Heng mite hi thu zawhfiah niin Motor khalhtute hian damdawi an la lo nia an sawi avangin an Motor hi Serchhip Police Station-ah lak a ni a, Motor hi enfiah a nih hnuah Gear Box chhunga Heroin No. 4 Hawng khat, gram 11 an thuhruk chu hmuhchhuah a ni zui ta a ni.

Ruihhlo rawn kengtu Zoremmawia, New Serchhip Venglai leh Rohmingliana, Serchhip Tuikhuah Veng nia insawi te chu Police te chuan manin thubuai an siam sak nghal a, heng mite hian heng ruihhlo hi Champhai ami an lak a nih thu an sawi.