Mizoram Police dinchampha pualin hun hmang

/

Mizoram Police dinchampha vawi 50-na chu nimin khan hmun hrang hrangah lawm niin Serchhip Police te pawhin infuihtharna hun an hman bakah Green Mizoram Day pual-a an thingtiak phun te enkawl zui hna an thawk bawk.

Mizoram Police dinchampha vawi 50-na pual hian Serchhip District Executive Force te chuan nimin chhun khan Serchhip SP Conference Hall-ah inkhawm tawi neiin inhlantharna leh infuihtharna hun an hmang a, he hun hi Serchhip SDPO, Kaste Romalsawma chuan kaihruaiin Mizoram Police-a a thawh chhungin a tha zawnga inthlak danglamna nasa tak a hmuh tawh thu sawiin, Police a thawk te chu tang sauh sauh turin a fuih bawk.

He hunah hian Serchhip Addl. SP, PC. Laltanpuia pawhin Mizoram Police lo indin chhoh dan leh hma an sawn chhoh zel dan te sawiin, Mizoram leh mipui tan Police Department Branch hrang hranga thawktute chu mahni hna chanpual teuh phur tak leh inpe taka thawk zel turin a fuih a, inlungrual leh pheikhai ruala an thawh chuan a thawkten nuam an ti zual ang a, chumi rah chu mipuiten an lo tel dawn tih a sawi bawk.

Nimin-a he hun hmanna ah hian Serchhip Police Station-a Officer Incharge, Insp. VL. Ramhluna leh Serchhip DEF chhunga Police hna thawk rei tawh ber, ASI F. Tlangliana (1982 Batch) te pawhin thu an sawi bawk a, tlai lamah intihhlimna hun an hmang bawk a ni.

Serchhip Police te hian an dinchampha pual hian District chhunga an Office leh Police Station leh a chhehvel an tihfai bakah nikum hmasa-a Green Mizoram Day pual-a Serchhip leh Thenzawl inkara thingtiak an phun te enkawl zui hna an thawk bawk a, Serchhip Police te hian Serchhip leh Thenzawl inkarah hian thingtiak 20 phunin nimin-a an tihfai hnatlang a thawk te hi Serchhip SP Office-a RO, Insp. Biakchhuma chuan hoin mi 7 an thawk a, an tihngtiak phun zinga 18 te chu a nung a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »