Latest News

CLP Leader in bawlhhlawh paihna hmun tlawh

Congress Legislature Party Leader, Zodintluanga MLA chuan nimin khan Aizawl khawpui bawlhhlawh paihna, Aizawl Solid Waste Management Centre, Tuirial chu tlawhin bawlhhlawh sawngbawl dan a hmunah a enfiah.

He hunah hian Zodintluanga chuan MNF kaihhruai AMC chuan Aizawl khawpui chhunga chhungkaw tin te hnenah bawlhhlawh tawih thei paihna bawm, tawih theilo paihna bawm, thir lam paihna bawm leh Plastic paihna tur bawm, a vaiin bawlhhlawh bawm 4 (pali) nei hrang vek turin a ti nia sawiin, Chhungkaw tam tak tan harsatna a thlen tih a sawi a. Mipuiin hetianga bawlhlawh bawm chi 4 hmanga harsa taka bawlhhlawh an paih laiin bawlhhlawh paihna leh sawngbawlna hmun, Tuirial-ah chuan tawih thei leh tawih theilo ah chiah an lo thliar leh si nia sawiin, “Hei hi mipui bumna chiang tak a nih bakah awmze nei lova chhungkaw tam tak tih buaina a ni,” a ti. Zodintluanga chuan AMC-ah Congress Party-in sawrkarna an siam a nih chuan a rang thei ang berin bawlhhlawh paih dan kalpui lai, chhungkaw tin tana buaithlak em em chu an siamtha nghal ang tih a sawi bawk a ni.

Comments

Popular News (Last 30 Days)