Latest News

Sub-Hqrs. YMA hruaitu thlanna neih a ni dawn

Serchhip Sub-Hqrs. YMA chuan thla thar, February 5 khian kum 2020-2022 chhunga hruaitu tur thlanna neih nise an ti.

Serchhip Sub-Hqrs. YMA hian Inrinni khan Sub-Hqrs. YMA Conference Hall-ah SEC thutkhawm neiin hruaitu thlan chungchang hi an sawiho a, Dan pangngai ah chuan kum 2020-2022 chhunga Sub-Hqrs. YMA hruaitu thlanna hi nikum April thla khan Sub-Hqrs. YMA Conference-ah neih tur a ni a, amaherawh chu hri leng avanga inthlanna neih theih a nih loh hnuah thla thar February 5 khian Serchhip Auditorium-ah inthlanna hi neih nise tiin ruahmanna an siam a ni.

He inthlanna neih turah hian Nomination siamin mi 15 thlanchhuah an ni a, inthlanpuitu tur pawh ruat nghal an ni a, he inthlanna ah hian Vote nei thei pangngai ten Vote an thlak thei dawn a ni. SEC thukhawm hian Bungtlang Venglai Branch in 'Khawnglung Branch YMA, Bung-tlang' tia hming thlak an dilna chu Central YMA-ah thlen nise an ti bawk.

Comments

Popular News (Last 30 Days)