Hri kai 6 hmuh belh; mi 17 an dam leh

/

Niminpiah khan Mizoram-ah COVID-19 hri kai 6 hmuh belh leh an ni a, an zinga mi 5 te hi tunhnaia State pawn atanga rawn lut an ni.

Niminpiah khan ZMC Laboratory-ah Sample 499 enfiah niin heng atang hian hri kai mi 6 hmuhchhuah an ni a, an vai hian tunhnaia State pawnlam atanga Mizoram-a rawn lut leh inkhunghranna hmuna awmlai vek an ni. Niminpiah a hri kai hmuhchhuah pakhat hi Rapid Antigen Test hmanga Sample enfiah 737 atanga hri kai hmuhchhuah niin Lawngtlai District-a Thingkah khaw mi, Hostel-a a luh dawn avanga Sample enfiahna ah hri a kai tih hmuhchhuah a ni a, hri a kaina chhui zui nghal a ni bawk. District hrang hranga TrueNat Laboratory-ah Sample 145 enfiah niin hri kai hmuhchhuah thar erawh an awmlo thung a ni.

Heti hian nimin thleng khan Mizoram-ah Sample 1,94,416 enfiah ni tawhin heng atang hian COVID-19 hri kai 4329 hmuhchhuah an ni tawh a, Samle enfiah atanga za zela 2.23 te chuan hri hi an kai a ni. Nimin khan Mizoram-a hri kai mi 17 te chu enkawl dam leh niin heti hian nizan thleng khan Mizoram-a hri kai 4258 te chu enkawl dam an ni tawh a, hri kai hmuhchhuah atanga za zela 98.35 te chu enkawl dam an ni tawh a, tunah hian hri kai enkawllai mi 62 la awmin hri kai te zingah nunna chan mi 9 in nunna an chan tawh thung a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »