Latest News

Meizu mi 6 man leh an ni

Serchhip District Anti-Tobacco Squad te chuan Inrinni zing khan Serchhip Bazar building leh a chhehvel bakah Taxi leh Auto Rickshaw Stand-ah te Squad Drive an nei leh a, heng hmun an tlawhna ah hian Sikret leh Vaihlo kaihhnawih khuahkhirhna Dan bawhchhia a puipunna leh vantlang hmun-a meizu mi 6 an man leh a, heng mite hi pawisa chawitir nghal an ni.

Kumin ah March 15 hmain Lo leh huan hal vek turin ruahmanna siam a ni

State Level Sub Committee on Fire Prevention chu nimin khan an Chairman, Forest Minister, TJ. Lalnuntluanga hova thukhawmin kumin hian Mizoram-ah March 15 hmaa Lo hal leh vek turin ruahmanna siam a ni.

PCCF Conference Hall-a State Level Sub Committee on Fire Prevention thukhawm hian kumin hian Fire Prevention Week chu February 8-13, 2021 chhunga hmang turin an rel a, March ni 15 aia tlai lovah Lo hal vek tura rel niin Lengpui Airport chhehvel khuaten chawhnu dar 3:00 hnu lamah chauh Lo/Huan hal tura hriattir ni se tiin an rel bawk a, hei hi State Level Committee-a thlen leh tur a ni ang.

He thutkhawm ah hian nikum ah District tin ten ramkang ven kawngah theih ang tawkin hma an la tih tarlan niin, Mei kawng (fireline) thar KM 130 a thui sial a ni a, a hma kum-a mei kawng sial sa KM 130 vel tihfai/sial that a ni bawk a. Fire Watcher mi 150 te thla 4 chhung rawih an ni bawk. COVID-19 hri leng avangin Fire Season tawp lamah duh angin hma a lak theih ta lova. Monitoring Team te pawhin District tina kangmei ven kawnga hmalakna an endik thei ta lo bawk tih tarlan a ni.

Kum 2020 ah hripui leng avangin Lo neih tum lem lo, tlai khawhnu-a Lo vat chawp leh Chul rit an tam hle tih pawh he hunah hian tarlan niin, Lo hal hun bituk pawh zawm hleih theih a ni lo tih tarlan a ni a, hei vang hian kangmei chhuak (Lo hal) zat pawh a tam phah niin a lang. Forest Survey of India (FSI) in Satellite kaltlanga Mizoram chhunga Fire Points a hmuh pawh kum hmasa lam aiin a tam phah hle a, a vaiin Mizoram-ah nikum a Fire Points hmuh zat FSI website-a tarlan danin 7381 lai a ni a. Lo hal hnu-a cha chheh khat lek halte, bawlhhlawh hal te leh kangmei chhuak hrim hrim hi Fire Point hran zel angin Satellite hian a chhinchhiah a. Ramkang thenkhat chu a kikawi leh zau dan azirin Satellite hian Fire Point 6 laiah te pawh a hmu thin bawk. Kangmei chhuak Satellite in a hmuh zawng zawng hi a hmunah endik vek sen a ni lova, a hmuna endik chin (70 % vel) report atangin Mizoram a kangmei chhuak zat hi Lo/huan hal tiamin a vaiin hmun 1300-ah 3614 Ha. a zau a ni a, chumi zinga hmun 210-a Ha. 289 a zau chu ram kang (forest fire) a ni a, hmun 1090 ami Ha. 3325 a zau chu Lo hal te, cha hal (debris buring), bawlhhlawh hal te leh kangmei chhuak hrim hrim te an ni. 

Comments

Chhiar Hlawhte