Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Chief Minister in NH 44A kawng siam a enfiah

Chief Minister Zoramthanga chuan Mamit District-a National Highway-44 'A' kawng zauh leh siamthat hna thawh mek chu nimin khan a hmunah kalin a enfiah.

Darlak leh Tuidam inkara kawng peng thar siam mek chu zawh thawkhat chu ni tawh mahse nikum Fur avang khan hmun thenkhatah lei a min a, COVID-19 hrileng avangin thawktuten an thawk lawk theilo bawk a. Chief Minister ho hian Engineer-te leh District hotute nen a hmunah nimin khan chipchiar takin an en a, Chief Minister chuan leimin avangin kawng chhia siamthat hna chu a hautak hle dawn tih sawiin, kawng thar siam leh tur chuan pawisa a duh tamin hun a duh rei bawk si avangin tuna kawng pangngai atanga kawng hmasa a finna chu KM 7 chauh a nih avang leh a chhe lai hi a thui lutuk loh bawk avangin leimin hi thianfaiin kalpui chhunzawm tura ruahmanna siam a nih thu a sawi a ni. Chief Minister chuan he kawng siamna tur sum sanction atanga Pending la awm chu nawr chhuak-a chumi hmanga a thenfai hna hi thawh nise a ti bawk.

Chief Minister hian Tlawng lui Sihhmui kai a Lei dawh thar tur hmunhma pawh en bawkin, Rawpuichhip Horticulture Complex-a tlawh bawk a. Rawpuichhip-ah hian Horticulture Department hotu leh thawktuten an lo dawngsawng a ni.

Comments

Chhiar Hlawhte