Mi 493 hri danna pe tawh

Nimin khan Serchhip District-ah mi 74 te hnenah COVID-19 vaccine pek leh niin Serchhip District-ah mi 493 te hnenah hri danna hi pek a ni tawh a ni.

Tun thla ni 21 atanga Serchhip District chhunga COVID-19 Vaccine pek hna kalpui mekah nimin khan Khawlailung PHC leh Ngen-tiang PHC-ah te Health Care Workers te tan COVID-19 Vaccine, Covishield hi pek leh a ni a, Khawlailung PHC-ah hian mi 42 te hnenah hri danna pek tura ruahman ah mi 37 te hri danna hi pek niin Ngentiang PHC-ah hian mi 37 hri danna pek tura ruahman ah pek kim vek an ni bawk a, heti hian Vawiin a hri danna pek tura ruahman mi 79 zingah mi 74 te hri danna pek an ni ta a ni.

Heti hian Serchhip District chhunga mi 450 te hri danna pek tura ruahman ah Vaccine tihchhiat te a awm loh avangin nimin thleng khan mi 493 te hri danna pek an ni ta a, heti hian a thawhkhatna atana hri danna pek tura ruahman chu zawhfel niin Vaccine rawn thlen leh hunah chhunzawm leh tur a ni ang.