Hri kai hmuh belh awmlo

Zonuna Kawlni /

Nimin leh niminpiah-a Serchhip District-a Sample enfiah te atangin COVID-19 hri kai hmuh belh an awm lova, Serchhip District-ah CO-VID-19 hri kai enkawllai mi pakhat a awm mek ni.

Niminpiah khan Serchhip District-a TrueNat Laboratory-ah Sample 42 enfiah niin heng atang hian COVID-19 hri kai hmuhchhuah an awm lova, nimin khan Sample 26 enfiah leh niin heng atang hian hri kai hmuhchhuah an awm lo bawk a, nimin a Sample enfiah zingah hian tunhnaia Serchhip District-a hri kai hmuhchhuah in inkhunghranna hmuna a awmpui te Sample pawh telin hri kai an awm belh lo a ni.

Nimin thleng khan Serchhip District-a COVID-19 hri kai hmuhchhuah chu mi 180 an la ni zel a, heng zinga mi 178 te chu enkawl dam ni tawhin tunah hian hri kai enkawllai mi pakhat ala awm a, Serchhip District-a hri kai hmuh-chhuah zingah nunna chan mi pakhat a awm tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »