Outdoor Gym siam mek Minister in a tlawh

/

Sports Minister, Robert Romawia Royte chuan Inrinni zing khan Aizawl khawpui-a Outdoor Gyms siamlai te a hmunah a tlawh.

Sports Minister hian Mualpui R. Dengthuama Hall kawtzawl-a Outdoor Gym siam mek leh MINECO Complex-a Outdoor Gym siam mek chu a hmunah a tlawh a, “Mizoram in ala hmuh ngai loh Outdoor Gym hmun 2-a kan nei thar tur hi a lawmawm a, tunlaiin Outdoor Gyms hi khawvel hmun hrang hrangah leh India khawpui lianah te an uar hle a. Man chawi ngai lova a duh apiangin excercise an lak theihnana siam a ni,” a ti.

Outdoor Gym set khat hi kum 5 Warranty nen cheng nuai 60 zel a ni a, Arihant Industrial Corporation siam niin an Authorised Dealer, Mapuia Enterprise, Aizawl in supply-in an remkhawm a, kum 5 chhung a thlawnin a enkawl zui dawn a ni.

Minister hian Mualpui-a Sports Hostel building pahnih sak mek te pawh a tlawh nghal a. Khelo India State Centre of Exellence atana hman tel tur a nih avangin chak zawka hnathawh a tul thu MSSC Engineers te a hrilh a. Upper Republic-a MSR Gym pawh tlawhin Sawrkar puihna tel lova mimal-in infiamna hmunhma tha tak tak an din ta chu lawmawm a tih thu a sawi a. Chanmari Mini Sports Complex tlawhin a sak that dan tur a en nghal bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »