Latest News

SEDP Board pathum CM hovin an thukhawm

Niminpiah tlai khan Chief Minister, Zoramthanga chuan SEDP Board pathum - Health and Family Welfare Board, Higher and Technical Education Board leh Commerce and Industries Board te chu thutkhawm a neihpui.

Heng thutkhawm hi CM Office Cabinet Meeting Room-ah neih niin Health and Family Welfare Board hnuaiah hian mipui hriselna atana hmalakna hrang hrang leh inenkawlna hmun tihchangtlunna an sawi zingah thingtlang inenkawlna tha zawk siam sak a pawimawh thu te sawiin, PHC tihchangtlung chu ngaihpawimawh hmasak nise an ti a ni.

Higher and Technical Education Board thukhawm hian Technical lam zirna In tihchangtlunna tur mamawh te, College hrang hrang Accreditation Inspection chungchang te, thawktu indaihlohna leh thu pawimawh dang te an sawiho bakah Commerce and Industries Board Meeting-ah hian economy tihhmasawnna atana thing leh mau, leihnuai hausakna leh a dangte hman tangkaina tura ruahmanna an lo siam tawh te sawiho a ni a. Pawn lam atanga investment rawn ti duhte tan pawh kalphung awlsam zawk, remchanna lo siam pawimawh an tih thu an sawiin, thing leh mau a innghat industry siam chungchang te an sawiho a ni. Heng thutkhawm ah hian Board Chairman leh Vice Chairman bakah member te an tel a ni.

Comments

Chhiar Hlawhte