Ramvak inkaphlum palh

Zirtawpni kalta tlai dar 4:30 vel khan Chhing-chhip Mualpui-a cheng Famkima (55) s/o Chal-khuma (L) chu an khua ami bawk Danglova chuan a Sa channa ah Sa emaw tiin a kaphlum a, Inrinni khan vuiliam a ni.

Thudawn danin Danglova hian Zirtawpni khan Chhingchhip bul MIFCO ram chhaklam-ah Sa a chang a, hemi ni vek hian Famkima hi Serchhip-ah mitthi vui-a a rawn kal hnuah helai hmun ral lehlam ah hian a ramkal ve leh bawk a, Danglova hian a Sanghal chan chu kap hman lova a chhuah hnuah a thlanglam tul pik-a Famkima rawn kal chu Sanghal emaw tiin a kap ta a ni.

Thudawn danin Famkima hi a hmai bakah a taksa hmun 6-ah Silai mu luhna awmin van-duaina a tawhna hmunah hian a boral nghal a, hemi zan hian a ruang hi lak nghal niin Inrinni khan vuiliam a, pawikhawihtu Danglova hi Police te chuan an man nghal a ni.