Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Mipui khuahkhirhna tichhuak

COVID-19 hri leng avanga ‘COVID-19 No Tolerance Drive’ hman chhunzawm a nih leh hnuah Serchhip District Magistrate chuan mipuite khuahkhirhna thar a tichhuak leh ta a, hemi ang hian Serchhip Town area chhungah, vantlang hmun ah leh hnathawhna hmunah mihring 5 (panga) aia tam punkhawm khap tlat a nih thu leh zan dar 8:00 leh zinglam dar 4:30 inkarah pawnchhuah khap tlat a ni tih tarlan a ni.

He thupek hian Magistrate leh Police, Hospital & Medical Emergency-a Duty te, PHE, PWD, P&E leh Excise & Narcotics Department-a thawk duty neite, Media lama thawkte, Village Level Task Force on COVID-19 duty-te, Covid-19 Executive Duty tura ruat Sawrkar hna-thawkte leh District Magistrate in a bika phalna a pekte a huam lo ang tih a tarlang a. He thupek hian District Magistrate, Serchhip Order hmasa chu a thlak anga, thu leh awm hma chu chhuah a nih atanga thla 2 (hnih) chhung a huam ang.

Comments

Chhiar Hlawhte