Latest News

Crane in Rawpui khua-ah In a tichhia

NH. 54 laihzauh hna thawk mektu ABCI Infrastructure Private Ltd. Motor, Crane chuan nizan hmasa khan Rawpui khua-ah chenna In pakhat a tichhe vek a, vanneihthlak takin mihring hliam na tuar an awmlo.

Thudawn danin he Crane, MZ-01-T/2009 hi ABCI Infrastructure Pvt. Ltd. ta niin an Company hian NH. 54 laihzauh hna thawh mekah Thiltlang atanga chhimlam laih hna thawkin Hnahthial Tuipui peng-a an Company hmun-a awm a ni a, nizan hmasa khan Darlawng-a Oil laihchhuah hna thawktu te bungrua hlangthla tura rawn pheiin Rawpui khawchhung pelh dawn kawng kual-ah Motor hnunglam chuan V. Lalbiaktluanga In hi a vua a, he In hi Assam Type niin In hi a vaw chhe vek a, he In-ah hian In neitu, V. Lalbiaktluanga hi amah-a khawsa in In hian a chimpui a, a lu-ah hliam a tuar a, ngaihtuahawm erawh a nilo nia thudawn niin In vawchhetu motor pawh hi kawngsir-ah a tlu a, vanneihthlak takin kawngthlang ah a tla lo hlauh a ni.

He Motor hi Aftab Hussain Laskar khalh niin ani hi chuan hliam a tuar lo nia thudawn a ni a, he thil theng hi Hnahthial Police te pawh hriattir nghal niin nimin khan a hmunah thil awmdan an enfiah nghal a, he Motor khalhtu hi tlanchhe mahse mipui ten manin Police te hian an la nghal bawk a, Vawiin hian vanduaina tawk te leh Company aiawhte hian inbiakna an nei dawn a ni.

Comments

Chhiar Hlawhte