Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

TCC pantu 24.05% in Vaihlo leh a kaihnawih an sim

Kum kalta 2020 chhung khan Serchhip-a Tobacco Cessation Clinic (TCC) pantu atanga za zela 24.05 te chuan Vaihlo leh a kaihhnawih an tih thin te an sim.

Tobacco Cessation Clinic (TCC) Serchhip District-a thawktute hnen atanga thu kan dawn danin nikum (2020) chhung khan Serchhip District Hospital-a Tobacco Cessation Clinic (TCC) hi Vaihlo leh a kaihhnawih nghei duh mi 210 ten panin heng zinga mi 158 te chuan mithiam te thurawn zawmin Vaihlo leh a kaih-hawih an tih thin sim tumin hma an la zui a, he Clinic pantu zinga mi 38 te chuan Vaihlo leh a kaih-hnawih an tih thin te simin hei hi TCC pantu atanga chhutin za zela 24.05 a tling a ni.

Thudawn danin nikum chhung khan National Tobacco Control Programme (NTCP) Serchhip District hian School hrang hrangah tum 10 lai Vaihlo leh a kaihhnawih thatloh zia inzir-tirna neiin hun an hmang a, tlawmngai pawl leh Kohhran thalai te nen tum 6 hun hmangin hun dangah Programme tum 6 an buatsaih bawk a, Training buatsaih erawh an neilo thung. Nikum chhung khan hri leng avangin kumdang anga hmalakna an kalpui theihloh thu sawiin, hri leng avang hian Programme an ruahman sa tam tak tih hlawhtlin theihloh an neih thu an sawi bawk a ni.

National Tobacco Control Programme (NTCP) hnuaia din Serchhip District Anti-Tobacco Squad te chuan nikum chhung khan Squad Drive tum 22 zet an nei bawk a, heng Squad Drive ah te hian Dan bawhchhia mi 68 manin heng mite pawisa chawi tlingkhawm chu Rs. 3,350/- a tling bawk.

Comments

Chhiar Hlawhte