ZPM in mithar lawmluhna nei

ZPM Leader, Lalduhoma chuan Zoram hmun hrang hrangah ZPM zawm thar an awm zel nia sawiin, “Heng te hian Zoram mipui thinglungah politics-a harh tharna dik a thleng mek tih a entir a ni,” a ti.

ZPM Party hian niminpiah khan Serchhip Darnam Veng-a F. Lalnunsiama In-ah mithar lawmluhna leh Zonu Unit dinna hun hmangin he hun hi ZPM Leader leh Serchhip bial bye-election a ZPM Candidate tur, Lalduh-oma chuan a hmanpui a. He hunah hian Lalduhoma chuan mi in mahni tanghma hai ran-a politics an buaipui lai a, therhlo engmah beisei awmlohna leh sawrkar-na fawng chelhtu pawh ni lo, ZPM mi heti zatin an zawm thar chuan an beisei a chiang viau niin a sawi a. Chu an thil beisei chu sawrkarna lo chelh tawhtu Political Party-te ram kaihhruai dan, Ruling Party behchhana inthlei-bikna paihthlaka kan la hrawn ngailoh kalphung thar, mipui huapzo sawrkar siam an duh tih a hriat nia sawiin, lawmawm a tih thu a sawi a. “Zoram hmun hrang hrangah ZPM rawn zawm thar an awm zel a; heng te hian Zoram mipui thinglungah politics-a harh tharna dik a thleng mek tih a entir a ni,” a ti bawk.

Lalduhoma hian Serchhip bial thutchilh mekin Veng hrang hranga te a tlawh bakah Ser-chhip P&E Veng ZPM Thalai Unit dinna a hmanpui bawk a, Darnam Veng leh Farm Veng atang hian mi 142 a lawmlut a ni.