Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

MNF hruaitute leh AMC Candidate te inkawm

MNF General Hqrs. OB te leh AMC inthlanna neih tura MNF Party Candidate te chuan nimin khan Aizawl-a Mizo Hnam Run-ah inkawmna neiin AMC Election awm tur chungchang an thlirho.

He inkawmna ah hian MNF OB mi pathum telin Candidate 19 zingah mi 17 an tel a, he hunah hian MNF Vice President, Lalthlengliana chuan 'Pathian leh kan Ram tan titute' an ni tih sawiin, zam lova mitin ban phaka awm tura inpe chunga theihtawp chhuah turin Candidate tin-te a ngen a. Headquarters mi an ni emaw, Block leh Unit-a nihna nei leh MNF mi leh sa zawng zawngte chu mahni theihna zawn theuhah theihtawp chhuah takmeuha tang mar reng turin a chah bawk a. Pathian leh mipui zarah he inthlan lo awm turah hian MNF AMC Candidate-te chu an tlin ngei tur thu a sawi bawk a ni.

Comments

Popular News (Last 30 Days)