Serchhip Boxing Hall hawn tan a ni leh ta

Serchhip-a Boxing Hall chu Boxer a duh apiang tana Training-na hmun atana hman theih turin nimin khan hawn a ni leh ta.

Serchhip-a Boxing Hall hi COVID-19 hri leng avanga thla 10 chuang zet hman theihloh tura khar a nih hnuah nimin atang khan Boxer ten training-na atana an hman theih turin hawn a ni leh ta a, LPS Pro-Fight a vawi 4 lai Light Heavyweight Champion lo ni tawh Abel Lalawmawia chuan hawngin, hripui leng a ziaawm tan a, Mizoram sawrkar in Standard Operation Procedure(SOP) a duan tharah infiamna lam hawi kalpui min phalsak angin Serchhip District Boxing Association (SEDBA) ruahmanna hnuaiah a duh apiang ten zalen taka Boxing an zir theihnan Boxing Hall chu a hawng tih a sawi a, Serchhip Thalai te chu infiamna thianghlim Boxing tuipui a, taksa fitness ngaipawimawh tur leh mi tam takin eizawnna hna hmuhphahnana an lo hman tawh Boxing zira rawn penchhuak turin a sawm a ni.

Boxing Hall hawnna hun hi Serchhip District Boxing Association President, Kapliana Pachuau chuan kaihruaiin Serchhip District Sports Committee (SDSC) Chairman, K. Tlangthanmawia pawhin Serchhip District Boxing Association hmalakna chu lawmawm a tih thu a sawi a, SEDBA hruaitute inpekna ngaihtuah chungin Boxer te chu thahnem ngai taka inkhel turin a chah bawk. Nimin-a Boxing Hall hawnna neih zawh a nih hnu hian Boxer ten Training an nei zui nghal a ni.