Lenkawl

Serchhip District-ah COVID-19 hri kai mi 678 enkawl mek niin hri kai enkawllai an tlem hret hret zel. Nimin khan Serchhip District-ah Rapid Antigent Test hmangin hri kai mi 27 hmuh an ni a, Serchhip-ah 20, Thenzawl-ah 5 leh East Lungdar leh Hmuntha-ah pakhat ve ve an ni. Inrinni khan Serchhip District-ah hri kai mi 88 hmuh an ni a, an vai hian Rapid Antigen Test hmanga hri kai hmuhchhuah te niin Buang-pui-ah 45 hmuh an ni a, Thenzawl-ah 21, North Mualcheng leh North Vanlaiphai-ah hri kai mi 6 ve ve leh Chhiahtlang leh Serchhip-ah hri kai mi 5 ve ve hmuh an ni bawk. Inrinni khan Serchhip District-ah hri kai enkawl dam mi 18 awm belhin nimin khan hri kai enkawl dam chhinchhiah belh an awm lova, heti hian Serchhip District-a hri kai hmuh tawh chu 8768 niin an zinga 8065 te chu enkawl dam an ni tawh a, hri kai hmuhchhuah atanga za zela 91.98 te chu enkawl dam ni tawhin enkawllai 678 an la awm a, mi 25 an boral tawh a ni.

UPC NEI-a Penticostal Youth Department (PYD) te chuan nimin Pathianni hmang khan Bial Inkhawmpui an hmang.

Serchhip Mat phai Tuisen Zau-a Leilet leh Nul panna kawng siamthat hna chu Zirtawpni atang khan bialtu MLA, Lalduhoma’n MLA Fund a pek hmangin thawh tan a ni a, he kawng hi Buh leh thlai phurhchhuahna kawng a nih bakah Zote South khaw panna atan pawh hman a ni bawk.

 Ministry of Jal Shakti hnuaia Department of Water Resources, River Development & Ganga Rejuvenation chuan National Water Awards (NWA) vawi 3-na chu semchhuakin tun tumah hian Category 11-ah State, Organisation leh mimal 57 hnenah Award hi sem a ni a. Best Village Panchayat (North-East Zone)-ah Ser-chhip District-a Sialsir chuan lawmman pakhatna an dawng a, Sialsir khua ah hian PHE Department hmalakna in tuihna tihpun leh a awmsa hum-halhna kawngah khawtlang mipuite nen kawng hrang hrangin hmalak a ni. Sialsir khua hi naktuk khian Central atangin Documentary Team ten a hmunah an rawn tlawh dawn a, Serchhip DC pawh an kawm nghal ang.

Thenzawl CHC-a Doctor thawklai sawn tura ruahmanna kal zelah Joint NGO Committee Thenzawl chuan Doctor an neih te a thlakna tur dah tel lova sawnchhuah tumna chu a tawp thlenga dodal zel an tum thu sawiin, Thenzawl-a Doctor sawnchhuahna tura Order tihchhuah chu nimin tlai khan an hal.

Consumer te i harh ang u XXXI : Electric hman man tihsan a ni leh dawn

MJA Conference hmanpui

ZPM Thalai chuan MNF Party chu an intiam tawh ang ngeia SEDP chu sem tura an phut thu an sawi.

Mizoram-ah COVID-19 hri kai hmuhchhuah an la pung zel a, hri kai hmuhchhuah zawng zawng pawh mi nuai khat leh sing sarih aiin an tam tawh a, hri kai enkawllai pawh an la pung zel a, hri kai zinga boral pawh mi 600 aiin an tam tawh.

Health Minister Dr. R. Lalthangliana chuan Mobile I-Lab (Infectious Disease Diagnostic Laboratory) chu a nihna ang taka hmang tan turin khawl mamawh a la kim lo deuh tih sawiin, heng te hi lei turin hma an lak mek thu leh reiloteah a nihna tur ang takin kan hman theih a rinawm tih a sawi.

Nikum 2021 chhung khan COVID-19 hripui leng vangin ramdang mi (foreiner) Mizoram rawn zin an tlem hle a, hetihlai hian tunhnai kum 6 chhungin Mizoram tlawh a zin foreigner 3,828 an awm.

Nimin khan Serchhip District-ah COVID-19 hri kai mi 163 zet hmuhchhuah belh leh an ni a, hri kai enkawllai pawh mi 582 lai an awm leh tawh.

Mizoram Upa Pawl (MUP) Serchhip District-a Treasurer Sangzika Hauhnar chu a boral tak avangin MUP Serchhip District chuan a ai-awh tur hian T. Lalrawngbawla, Dinthar Veng Serchhip chu an ruat a, nimin khan MUP Serchhip District hian Executive Committee thutkhawm neiin mawhphurhna hi hlan nghal a ni. Nimin a MUP thukhawm hian District Annual Assembly neih relin Elder Helpline ten thawhpuia an sawmna chu an pawm bawk.

COVID-19 No Tolerance Week hman mek denchhenin nimin khan Serchhip District-a Flying Squad te chuan Serchhip khawpui chhung hmun hrang hrang fangin sawrkar in hri leng laka himna tura inkaihhruaina a siam leh CAB zawm lo te enfiah hna an thawk a, he hunah hian Dan zawmlo mi 26 man niin heng mite hi sawrkar in a bituk angin pawisa chawitir an ni a, an sum chawi tlingkhawm hi Rs. 3500/- a tling a ni.

Mizoram State Medicinal Plant Board (SM-PB) bultumin nimin khan Thenzawl Bazar Veng-a Vantawng Group YMA Run-ah Thenzawl-a Medicinal Plant Grower Society Member te tan Mizo Ramhmul damdawi, Archangkawm sawngbawl dan zirhona, ‘Training on Post Harvest Management and Value Adddition of Oraxylum’ neih a ni.

Mizoram Badminton Association Official Championship 2022 khelh zawh takah Lalrem-puii, Serchhip Ramthlun Veng chu a khelhna Category pathum (3)-ah a champion vek.

TU THIAMLOH NGE?

Minister in hnathawh mek en

Niminpiah khan Mizoram-ah Sample 7554 enfiah leh niin heng atang hian COVID-19 hri kai 2064 zet hmuhchhuah belh leh an ni a, Sample enfiah atanga za zela 27.32 zetin hri hi an kai a ni.

MNF President leh Chief Minister Zoramthanga chuan kumthar ah an sawrkar Flagship Programme SEDP hnuaiah chhungkaw 50,000-60,000 tuam an ni ang tih a sawi.

Sansad Adarsh Gram Yojana (SAGY) Model Village atana Member of Parliament (Rajya Sabha), K. Vanlalvena’n a thlan Pangkhua ah nimin khan Lawngtlai DC Dr. Andrew H. Vanlaldika hovin a bultanna neih a ni.

Health Minister Dr. R. Lalthangliana chuan, “Hri inkaichhawnna dan chah leh hri kaite enkawl dam thuai thuai hi kan ngaih pawimawh ber a tul a ni,” a ti.

ZPM Leader Lalduhoma, MLA chuan Mizoram chu India rama State zingah State sawrkar hriatpuia smuggling ti awmchhun a nih a rin thu sawiin, “Sawrkarin kan Police te kut an phuar tlat a, an Mit hmuh ngeia thil thleng te chu, thuneihna engmah nei lo ang maiin an en liam mai mai thung a ni,” a ti.

Serchhip District-ah COVID-19 hri kai en-kawllai mi 478 an awm mek.

Serchhip Chhekhnai Branch YMA te chuan niminpiah khan Serchhip Blood Bank-a dah turin thisen Unit 27 an pe a, thisen petute hi mipa 19 leh hmeichhia 8 niin Serchhip Blood Bank-ah kalin thisen hi an pe a ni.

Thenzawl Community Health Centre (CHC)-a Medical Officer pahnih (2) thawk lai zinga pakhat zawk Dr. Benjamin Malsawmtluanga chu tunhnai khan Sialhawk-ah sawn niin Thenzawl PTS-a Medical Officer (MO) awm lai Dr. Lalramhluna chu Thenzawl CHC leh PTS hmui turin tih a ni a. Hemi chungchang hi tunkar Nilaini zan khan Thenzawl Joint YMA Emergency Meeting chuan ngaihtuahin Thenzawl CHC atanga Doctor sawnchhuah a ni leh CHC-a Doctor awm tur zat ang pawh an awm loh laia PTS Thenzawl nena intawm tura Doctor siksawi a ni chu pawi an tih thu an sawi a. Hetianga Doctor sawn tura ruahmanna hi theihtawp chhuaha dodal nise an ti bawk. MNF Serchhip West Block chuan nimin khan thuchhuah siamin hemi chungchang hi Health Minister hnenah an thlen thu leh sawrkar hotu ten an thu thlen te ngaih pawimawhin an tih hlawh-tlin sak dawn niin an sawi bawk.

Serchhip-a AH&Vety Department chuan kum kalta chhung khan chhungkaw 29 te hnenah Ar vulh tanpuina an pe tawh.

Kum 2022-2024 chhunga MJA Serchhip District hruaitu tur thlanna neih a nih hnuah Secretary turte pawh ruat fel an ni ta.

Mizoram State Health Care Society (MSHCS) buatsaihin World Bank Project, Mizoram Health System Strengthening Project (MHSSP) hnuaiah nimin khan Serchhip District-a Health Department-a hotute tan Health Care Scheme hrang hrang leh a kaihhnawih thil pawimawh zirhona neih a ni.

Krismas leh kumthar vuakvet zawh hnua Serchhip District-a COVID-19 hri kai hmuhchhuah pung hluai chuan ziaawm lam a pan chho hret hret niin a lang a, tun thla ni 1 atanga niminpiah, January 26 thleng khan Serchhip District-ah Sample 14,845 enfiah ni tawhin heng atang hian COVID-19 hri kai 2498 zet hmuhchhuah an ni tawh a ni.

Chapchar Kut sawihona nei

Niminpiah khan Mizoram-ah Sample 5579 enfiah leh niin heng atang hian COVID-19 hri kai mi 1535 hmuh belh leh an ni a, Sample enfiah atanga za zela 27.51 te chuan hri an kai a ni.

School Education Director James Lalrinchhana chuan nimin khan Govt. Mizo High School, Aizawl-a Atal Tinkering Laboratory (ATL) siam thar chu a hawng.

Lunglei Hrangchalkawn-a Urban Primary Health Centre (UPHC) chu nimin khan Bamboo Development Board Vice Chairman leh bialtu MLA K. Pachhunga chuan a hawng.

Mizoram Governor Hari Babu Kambhampati chuan rilru lam hriselna chu taksa pawnlang hriselna ang thova pawimawh a nih thu a sawi.

Mizoram sawrkar in hri leng dona hmanrua a neih te chuan engemaw chen la daih dawn in lang mah se hmalam hun hriat a nih loh avangin a tul anga inlakkhawm a tul tih sawilan a ni.

Nimin khan Serchhip District-ah COVID-19 hri kai thar mi 46 chhinchhiah belh an ni a, an zingah hian Hriangtlang khuaa hri kai hmuh thar te erawh an tel hman lo thung.

Kum kalta chhung khan District Transport Officer (DTO) Office, Serchhip chuan Learner License 1980 pechhuakin hemi chhung vek hian Driving License 1584 an pechhuak bawk tih nimin a Republic Day thuchah Serchhip District Bawrh-sap in a sawi ah tarlan a ni a, hemi chhung hian lirthei thar ziahluh 859 a awm bawk a ni. Serchhip DTO Office hian nikum chhung vek khan lirthei kaihhnawih Chhiah chi hrang hrang atangin cheng nuai 59.22 an hmuh thu he hunah hian tarlan tel a ni bawk.

Mizoram sawrkar in COVID-19 hri leng avanga inkaihhruaina hman mek siamthatna a tihchhuah angin Serchhip District Bawrhsap Nazuk Kumar chuan nimin khan thuchhuah a siam thar a. Hemi ang hian Sports Practice (Indoor & Outdoor) chu phalloh niin Sports inelna, Tournament leh a dangte pawh phal a ni lo bawk. Hetianga Bawrhsap in thuchhuah a siam thar avangin hian Sports Association thenkhat ten ruahmanna an lo siam tawh te pawh chawpchilh taka thulh a ni hlawm.

Mizoram Journalists’ Association (MJA) Serchhip District chuan niminpiah, January 25, 2022 khan Serchhip Press Club-ah Annual Conference neiin kum 2022-2024 chhunga hruaitu thlanna an nei.

Mizoram Khawpui Fai inelna neih zawh tak leh Swachh Survekshan atana inbuatsaihna tura Serchhip-a fai inelna hrang hrang nikum a neih a tithate hnena lawmman hlanna chu nimin-a India Republic Day lawmna Serchhip-a neih buatsaih a ni a, lawmman dawngtute chu heng te hi an ni :

India Republic Day vawi 73-na chu nimin khan hri leng karah ramchhung hmun hrang hrangah urhsun taka hman a ni a, Serchhip-ah pawh zing dar 9:00-ah Serchhip District Bawrhsap Nazuk Kumar IAS chuan India Hnam Puanzar pawtparhin mipuite hnenah thuchah a sawi a ni.

National Voters' Day, 2022 chu niminpiah, January 25, 2022 khan ramchhung hmundangte rualin Serchhip-ah pawh hman a ni a, District Election Officer Nazuk Kumar IAS chuan khuallian niin a hmanpui a ni.

Champhai-ah R-Day hmang

Mizoram-ah ni khat-a COVID-19 hri kai hmuhchhuah an la pung zel a, hri kai enkawllai pawh mi sing khat aiin an tam leh tawh.

India Republic Day vawi 73-na chu nimin khan Mizoram District khawpui hrang hrangah urhsun taka hman a ni.

Mizoram Pradesh Congress Committee (MPCC) Vigilance Cell chuan MNF sawrkarin School 172 sak thatna tura NABARD sum cheng nuai 3,500 an puk hmanga dik lo taka hnathawhte sawifiah tur leh hnathawh dik lo zawng zawngte a rang thei ang bera siamthat tir leh turin Education Minister Lalchhandama Ralte an phut tih an sawi.

Serchhip District-ah nimin khan COVID-19 hri kai mi 84 hmuh belh niin hri kai mi 173 enkawl dam an ni thung.

Bairabi-ah SDC Office hawng

National Girl Child Day, 2022 pualin nimin khan Serchhip District Hospital-a hmeichhe nau piang tharte hnenah Beti Bachao Beti Padhao (BBBP) Serchhip hmalakna in Mahila Shakti Kendra (MSK), Serchhip District-a thawktuten thilpek an hlan.

The Mizoram Liquor (Prohibition) Draft Rules 2020 siam tura Committee din, Mizoram Liqour Prohibition Rules Drafting Study Committee chu nimin khan an Chairman leh Deputy Chief Minister Tawnluia hova thukhawmin Mizo-ram-a Grape chingtute tharchhuah atanga Wine siam phal loh nise an ti.

Pathianni khan Mizoram-ah Sample 1977 enfiah niin heng atang hian COVID-19 hri kai mi 495 hmuhchhuah an ni a, Sample enfiah atanga chhut chuan za zela 34.10 zetin hri kaiin Mizoram hri kai nuai 1.6 an tling ta.

Zoram Thar Zofate Lairelna Inpui chuan nimin khan an hruaitu Rev. Dr. Zaichhawna Hlawndo hovin Aizawl Press Club-ah thuthar thehdarhtute kawmin Zo hnahthlak kum 3000 dawn Hnam hming hrang pek leh ram hrang India, Bangladesh leh Myanmar a awmte chu thlahtu bul thuhmun, Josepha thlahte Zofate-hnambo-Israel chhungkua (House of Israel) -Manessia leh Ephraim thlah kal zelte kha an ni tih khawvel hriatah an puang a. Pathian in a Zawlneite hmanga Bible Thianghlim a lo sawi lawk angin Zofate hi hnam khat an nih angin rorelna pakhat hnuaiah an la awm dawn thu leh chu ram leh hnam lo ding tur chu Kristian ram Kristian hnam niin Khawvel tana eng, Hnamte tana eng leh Khawvel pum tana tawngtaina Inpui a nih tur thute an sawi bawk.

Social Welfare Department Minister Dr. K. Beichhua chuan nimin zing khan ‘National Girl Child Day’ pualin Short Film a tlangzarh.

Adviser to Chief Minister (Technical) Er. K. Lalsawmvela chuan kar kalta khan Mizoram khawthlang lam-a kawng siam mek leh Lei dawh thenkhat te a tlawh.

Health Minister Dr. R. Lalthangliana chuan Health Care chungchangah Covid vanga bill la theilo pawh an lak thuai theih nan hma an la mek tih a sawi.

ZPM Thalaite chuan MNF sawrkâr hnuaiah Dan rorelna leh dikna-in a lailum a luah zo tawh lo niin an sawi a. “Pathian leh kan ram tân titu MNF sawrkâr hi tun a chinah, sual dova thisen chhuak khawp hiala bei turin Zoram mipuite'n kan beisei a ni,” a ti bawk.

Nimin khan Serchhip District-ah COVID-19 hri kai mi 7 hmuh belh niin mi 167 te enkawl dam an ni thung.

Sawrkar laipui in ramchhunga COVID-19 vaccine Dose 3-na, Precaution Dose pe tura a ruahman angin tun thlengin Serchhip District-a mi 1199 te hnenah Precaution Dose pek a ni tawh a, tunkar ah hian a la thei te hnenah Precaution Dose hi pek chhunzawm leh tur a ni ang. Hetihlai hian Serchhip District-a kum 15-17 inkar mi 2694 te hnenah COVID-19 Vaccine Dose 1-na pek ni tawhin hri danna la thei 3305 zinga za zela 82 ten Vaccine hi an la tawh a. Kum 18 chunglam te zingah Vaccine la thei 47,731 awmin heng mi te zinga 46,050 (96%) te hnenah Dose 1-na pe tawhin 38,847 (84%) te hnenah Dose 2-na pek a ni tawh bawk a ni.

Chhiahtlang-a Adult Rehabilitation Centre (ARC)-a Male Dormitory hawnna leh hlanna chu Inrinni khan neih a ni.

Serchhip District Cricket Association (SD-CA) buatsaih Serchhip-a naupangte tana Cricket Coaching chu Inrinni khan Leisekawt Mual-ah neih tan leh a ni a, mi 33 inziaklut awmin Vawiin thleng la inziahluh theih a ni anga, thla thar Feb. 3 thleng Coaching hi neih tur a ni ang. Hetianga naupangte tana Cricket Coaching buatsaih a nih rual hian Vawiin atangin tlai lamah puitling tan Coaching hi neih tum a ni bawk.

Zirtawpni khan KVK Scientific Advisory Committee (SAC)  thutkhawm vawi 12-na chu biak hmuh theihna hmanga neih a ni a, kumthar atana KVK Serchhip District hmalakna tur leh kum kaltaa an hmalakna te thlirho a ni.

Presbyterian Kohhran hnuaia Kristian Thalai Pawl (KTP) Pastor Bial inkhawmpui chu nimin Pathianni hmang khan Pastor Bial hrang hrang ah neih a ni a, hripui leng avangin kumdang angin hun hman theih ni lo mah se Bial hrang te hian khawmpui hi tluang takin an nei a ni.

Hnahthial Bawrhsap in tlawh

Mizoram-ah COVID-19 hri kai hmuhchhuah belh zel an la ni a, nimin thleng khan hri kai hmuhchhuah pawh 1,59,653 an tling tawh.

Health Minister Dr. R. Lalthangliana chuan thingtlang lamah COVID-19 hripui a darh nasa mek tih sawiin, Covid Appropriate Behavior (CAB) tha taka zawm turin mipuite a chah.

Champhai District NGO Coordination Committee-in tunhnaia Champhai District Bawrhsap Maria CT. Zuali sawnna thupek sut tura an hmalak zelna turah Champhai Sub-Hqrs. YMA an tel tawh dawn lo.

COVID-19 hripui lengin Mizoram-ah lirthei punna a nghawng lo a, nikum chhung khan Mizoram sawrkar (Transport Department)-ah lirthei ziahluh thar 25,391 awmin, kum hmasa lam aiin lirthei ziahluh thar a tam a ni.

Mizoram-ah COVID-19 hri kai an pun chhoh leh mek avangin Vawiin atang hian ‘COVID-19 No Tolerance Week’ hman a ni dawn a, Serchhip District-ah pawh District Bawrhsap chuan ‘COVID-19 No Tolerance Week’ hman tur a nih thu leh hemi atana kaihhruaina siam te chu thuchhuah siamin a tarlang bawk.

Nimin khan Serchhip District-ah hri kai mi 47 hmuh belh leh an ni.

Mizoram-ah COVID-19 hri kai ni khat-a hmuhchhuah zat ala tlahniam thei tak tak lova, niminpiah khan Mizoram-ah Sample 5362 enfiah niin heng atang hian hri kai 1199 hmuhchhuah an ni a, Sample enfiah atanga chhutin za zela 22.36 zetin hri an kai a ni.

Aizawl khawpui chhungah eirawngbawlna Gas, LPG Home delivery hlawhtling taka kalpui anih hnuah Serchhip-ah pawh kalpui a nih ve theihna turin Serchhip District Consumers Association te chuan hma an la mek a. Serchhip khawpui chhunga a bultanna atan P&E Veng-ah kalpui tum niin nizan hmasa khan khawtlang huapin hemi chungchang inhrilhhriatna hi P&E Veng YMA Hall-ah neih a ni a, IOC rate bakah bur khat zelah Rs. 70/- chawi a ngai dawn a ni.

Chhiahtlang South Village Council-a Treasurer in a nihna atanga banna a thehluh avangin Executive Body thar siam a ni.

Serchhip Kawlri tlang-a ‘Historical Village’ din tuma hmalakna kal mek chu nimin khan Serchhip bialtu MLA leh MZU-a mithiam te chuan a hmunah tlawhin a hmunhma te an en ho.

Mizoram Police in kum 50 an tlinna, Golden Jubilee lawmna chu nimin khan Mizoram hmun hrang hranga Police ten dinna ah neih niin Serchhip-ah pawh 50th Mizoram Police Raising Day/Golden Jubilee lawmna hi SP Conference Hall-ah neih a ni. Mizoram Police Golden Jubilee lawmna Serchhip-a neih ah hian Addl. SP Vanlalnghenga MPS chuan Mizorama Police lo awm tan dan tlangpui sawiin, kum 1871-a Mizoram-a Vailen vawi 1-na atangin Mizoram-ah Police te chanchin hi a intan thu leh hemi hnu hian British sawrkar in Police te hi a dah zui tak dan te a sawi a. India ramin zalenna a hmuh hnuah Mizoram chu Assam State hnuaiah awmin kum 1972-a Mizoram in Union Territory a hmuh hnuah Mizoram chuan ama pualin Police a neih tak thu sawiin, kum 1975-ah chuan ‘Mizoram Police Service’ (MPS) Batch hmasa ber pawh a lo neih tak thu a sawi bawk. Addl. SP chuan Police te chu nitin darkar 24 chhung hna thawk thin an nih thu pawh he hunah hian sawiin, hei vang hian inpawhna tha tak an neih thu a sawi bawk. He hun ...

Chief Minister in hmanpui

Aizawl khawpui chhung kawngpui tawt tih ziaawmna tura ruahmanna siam tura thawktu tur Mott MacDonald Consultancy Firm Pvt. Ltd., aiawhte chuan nimin khan Chief Minister Zoramthanga chu a Pisa-ah an kawm.

Directorate of Health Services Building sak thar, MINECO a mi chu nimin khan Health Minister Dr. R. Lalthangliana chuan a hawng.

Border Roads Organisation (BRO) hnuai Project Pushpak hotute chuan nimin khan Governor Hari Babu Kambhampati chu Raj Bhavan ah hmuin Mizoram hmun hrang hrang, a bikin ramri hrula kawngpui an siam mek chungchangte an sawipui.

Mizoram Governor Hari Babu Kambhampati chuan Power & Electricity (P&E) hotulu te chu nimin khan Raj Bhavan-ah kawmin Mizoram mamawh Kawlpetha chungchanga kan State dinhmun leh sawrkar hmalakna te a sawipui.

Nimin khan Serchhip District-ah COVID-19 hri kai mi 43 hmuhchhuah niin mi 143 te enkawl dam an ni.

Serchhip District chhung khaw thenkhat a Vawk talh khapna la puan mek chu tun thla tawp ah chuan hlih vek theih beisei a ni.

Serchhip khawpui chhunga Dan leh thupek kenkawhna kawnga chak zawka hmalak a nih theihna tur leh rukru leh pawi khawihtu awlsam zawka manchhuah an nih theihna tura hmalakna atana Serchhip Police te ngenna angin Serchhip khawpui chhung hmun pathum- Bazar Veng, New Serchhip College Peng leh Sailiamkawn ah te Closed Circuit Television (CCTV) Camera bun fel a ni ta a, heng CCTV Camera hmang hian zan lamah pawh fiah taka thlalak theih beisei niin bialtu MLA hmalakna ah Serchhip Police te an lawm hle nia thudawn a ni.

Serchhip District NGO Coordination Committee chuan Serchhip damdawi In (District Hospital) hmun tur an thlan fel tawh thu tunhnai khan Health Minister hnenah ziakin an thlen.

JERC Member atan lalut

Niminpiah khan Mizoram-ah Sample 6533 enfiah leh niin heng atang hian COVID-19 hri kai mi 984 hmuhchhuah an ni a, Sample enfiah atanga za zela 15.08 te chuan hri an kai a ni.

Land Revenue & Settlement Department chuan nimin khan Aizawl-a an Department General Conference Hall-ah kumthar atana inhlanna hun hmangin Revenue Minister Lalruatkima chuan a hmanpui a ni.

Sawrkar Laipui-a Ministry of Science & Technology in Mizoram tana a thlawna an pek Mobile I-Lab (Infectious Disease Diagnostic Laboratory) chu nimin khan hman theih tura hawn a ni ta.

Mizoram Governor Hari Babu Kambhampati leh Mizoram Youth Commission (MYC) Chairman Dr. Vanlaltanpuia te chu nimin khan Raj Bhavan-ah inkawmin Mizoram thalaite’n hna hmuhna leh eizawnna atan thiamna an neih theihna tura MYC hmalakna te bakah ngaihtuahna thar nena hmalak dan turte an sawi dun.

Chief Minister Zoramthanga chuan SDG tehna thar ber, SDG India Index 2020-21 ah Mizoram in dinhmun 12-na a luah ta chuan tan lakna tur tam tak awm mah se State in kawng hrang hrangin hma a sawn tih a tilang chiang hle niin a sawi. 

AH&Vety Minister Dr. K. Beichhua chuan nimin khan Thenzawl-a AH & Vety Farm chu tlawhin Farm tihhmasawn zel dan tur enin thawktute a sawipui.

National Health Mission hnuaia thawktu intelkhawmna pawl, NHM Employee Union of Mizoram (NEUM) Sub-Hqrs. Serchhip chuan kumin atana an hruaitu tur thlanna nimin khan neiin Chairman atan Dr. Vanlalchhuanga (MO, AYUSH), Vice Chairman-ah Immanuel Laltha-kima (Programme Assistant), Secretary-ah Zai-remthanga (Computer Assistant), Asst. Secretary-ah Lalramghaka Kawlni (Data Entry Operator), Treasurer-ah Zosangpuii Hmar (Lab. Technician) leh Fin. Secretary-ah Lalchhanhimi  (Staff Nurse) te thlan an ni.

Nikum kumtawp lama Serchhip District Hospital-a mi pahnih thihna chungchang chhui tura ruat Serchhip District Bawrhsap kalchhuak ta Kumar Abhishek IAS chuan a thil chhui chianna report chu kar hmasa khan a thehlut tawh a. Hemi chungchanga zawhna chhangin Health Secretary R. Lalramnghaka chuan, “A tul anga bawhzuia, zirchian turin process mek a ni,” a ti.

Kum kalta (2021) January thla atanga nimin thleng khan Serchhip DTO Office-ah lirthei ziahluh thar 859 a awm.

Nimin khan Serchhip District-ah COVID-19 hri kai mi 17 hmuhchhuah belh awmin hri kai mi 116 te enkawl dam an ni thung.

Serchhip District chhungah tun thla chhungin COVID-19 hri kai mi 2251 hmuhchhuah ni tawhin Sample enfiah zawng zawng atanga chhutin za zela 17.80 in hri an kai a ni.

Serchhip District Bawrhsap thar Nazuk Kumar IAS chuan Serchhip District MJA Member te chu nimin khan a Pisa-a leng-ah sawmin inkawmna an nei a. Bawrhsap chuan Chanchinbu mi te chu sawrkar Mit leh Beng an nih thu sawiin, thawhhopui ah a sawm nghal bawk.

CM hovin Board thukhawm

Mizoram-ah COVID-19 hri kai hmuhchhuah an la tlem thei tak tak lova, niminpiah khan Mizoram pumah Sample 8190 enfiah niin heng atang hian hri kai mi 1312 zet hmuhchhuah leh an ni a, Sample enfiah atanga za zela 16.02 te chuan hri an kai a ni.

Samagra Shiksha Mizoram hmachhawp leh Annual Work Plan & Budget 2022-23 siam dan tur ruangam thlirhona chu nimin khan School Education Minister Lalchhandama Ralte hovin SAW Conference Hall, Aizawl-ah neih a ni.

Aizawl City College Joint Students' Union (ACCJSU) Meet nimin-a neih chu Higher & Technical Education Minister Dr. R. Lalthangliana chuan hmanpuiin RUSA hnuaiah kum kalta chhungin College zirtirtu post 70 chuang hnawhkhah a nih thu a sawi.

Khamrang leh Sihhmui inkara Rel kawng siam hna thawh mek chu nakum (2023) December thla ah zawhfel hman an tum thu hnathawktute chuan an sawi.

Health Minister Dr. R. Lalthangliana hovin nimin khan Mizoram District hrang hranga Chief Medical Officer (CMO) te chuan COVID-19 hri leng mek chungchanga hmalak dan tur an sawiho.

National Highway-54 laihzauh leh siamthat hna thawh meka Baktawng leh Keitum inkara hna thawktu KRAM Infracon Pvt. Ltd. hotute chuan hna zawng zawng atanga za zela 35 vel thawk zo tawh anga an in ngaih thu an sawi.

Nimin khan Serchhip District-ah COVID-19 hri kai mi 87 hmuh belh leh an ni.

Tun thla ni 26-a India Republic Day lo thleng tur Serchhip-ah pawh urhsun taka hman tum a ni.

Hrangturzo bialtu MLA leh Home Minister Lalchamliana chuan tunhnaia a bial chhunga hri kai hmuhchhuah tamna East Lungdar khaw tan nimin khan tanpuina Rs. 30,000/- a hlan a, hemi hmalam hian East Lungdar VLTF hnenah hian Rs. 40,000/- a lo hlan tawh bawk a ni.

PAC thutkhawm neih a ni

Mizoram-a Tlawmngai Pawl hrang hrang inzawmkhawm, NGO Coordination Committee nimin-a thukhawm chuan Tripura-a awm tawh Bru te chu inthlanpui neih leh hma ngeia Mizoram Electoral Roll atanga paih an nih theih nana hma la turin Mizoram an ngen.

Mizoram-ah COVID-19 hri kai hmuhchhuah an la pung zel a, niminpiah khan Sample 7515 enfiah atangin hri kai mi 1280 zet hmuh belh leh niin Sample enfiah atanga chhutin za zela 17.03 zetin hri an kai a ni.

Congress Party chuan Aizawl-a an Office, Congress Bhavan hawnna hun nimin khan an hmang.

Nimin khan Agriculture Development Board chu an Chairman leh Agriculture Minister C. Lalrinsanga hova thukhawmin Sawrkar Flagship programme SEDP hnuaia Agriculture Department hmalakna tur – Vaimim leh Bekang chin chungchang an sawiho.

National Institute of Technology (NIT) Mizoram tana Lengpui a ram pek, ram buai avanga hmalakna chhunzawm theihloh leh khaihlak mek chungchang chu nimin khan Higher and Technical Education Minister Dr. R. Lalthangliana hovin a Pisa-ah sawiho a ni a, he hunah hian Higher & Technical Education Department leh Environment, Forests & Climate Change Department bakah NIT Mizoram hotute an tel a ni.

Sainik School, Chhingchhip hotute chuan nimin khan Mizoram Governor Dr. Hari Babu Kambhampati chu Raj Bhavan-ah hmuin an School hmasawnna hrang hrang an sawipui bakah an hmachhawp te an sawipui.

Mizoram thingtlang khaw hrang hranga COVID-19 hripui darh nasa mek chungchangah nimin khan Health Minister Dr. R. Lalthangliana hovin a Pisa-ah Indian Medical Association (IMA) hotute chu an thukhawm a, tunhnaiah Mizoram-a hri kai hmuhchhuah atanga zaa 70 vel zet chu AMC area pawnlam a mi an ni a, hri kai boral zingah pawh Aizawl khawpui pawnlam an tam tawh zawk tih tarlan a ni.

Nimin khan Serchhip District-ah COVID-1`9 hri kai mi 110 hmuh belh niin hri kai enkawl dam chhinchhiah belh erawh an awmlo thung.

Serchhip District Bawrhsap hna chelh tura ruat Nazuk Kumkar IAS chuan Bawrhsap kal-chhuak tur Kumar Abhishek IAS hnen atanga mawhphurhna lain nimin khan a Pisa a luah tan.

Serchhip-a Excise and Narcotics Department chuan nimin zing dar 6:00 vel khan Thenzawl dai-ah rakzu litre za thum chuang an man.

Bank hmalakna thlirho