Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Vety Minister in Thenzawl-a Vety Farm a tlawh

AH&Vety Minister Dr. K. Beichhua chuan nimin khan Thenzawl-a AH & Vety Farm chu tlawhin Farm tihhmasawn zel dan tur enin thawktute a sawipui.

AH & Vety Minister hian Farm hmun-hma te chipchiar taka fangin tihhmasawn theihna tur awm angte thawktute nen enin a sawipui a. Dil tihzauh dan turte, ran tlatna mumal zawka siam dante, ram humhalh leh a hung dan turte, ran chaw atan hman theih thing leh thlai phun belh dan turte, Ar leh Varak awpkeuna (Hatchery) tha zawk din belh dan turte, Farm chhung inkal-pawhna tha zawk siam dan turte leh mipuiten an hlut deuh deuh theih nana Dil chhehvel chei dan turte a en a ni.

Thenzawl-a AH & Vety Farm tlawhtu AH & Vety Minister hi he Department-a Secretary Lalzarmawii leh Director Dr. H. Lal-tlanmawia bakah Joint Secretary Dr. Lalngura Tlau leh Dr. C. Lalrintluanga te bakah thawktu dangten an tawiawm a, Thenzawl Farm-ah hian General Manager Dr. PC. Lalsangzuala leh Manager Dr. Lalramdintluanga leh Dr. Lalmuanpuia Samte ten an lo dawngsawng a ni.

Thenzawl-a Vety Farm hi tunhnaiah nasa taka cheibawl niin mipui tana tlawh theiha siam a ni a, hunpui vuakvet-ah pawh khan Mizoram hmun hrang hrang atangin tlawhtu an tam hle a ni.

Comments

Popular News (Last 30 Days)