Chanchin thar lawrkhawm :

Champhai-ah R-Day hmang

Tunhnaia Champhai District Bawrhsap sawn a nih avanga Champhai NGO Coordination Committee ten Republic Day an boycott karah Champhai-ah pawh Republic Day hi hman a ni a, District Bawrhsap Maria CT. Zuali chuan a chenna, Jeriko Garden tual-ah Hnam puanzar pawtparhin zahna chibai a buk a ni. Thudawn danin Champhai DC sawnchhuak tura thutlukna tidanglam tura Sawrkar nawrna kalzelah Champhai NGO Coordination in Republic Day lawm tumna hi tihkhaihlak an tum nia a lan avangin tan hun zing lam dar 8:00 ni tura ruahman chu sawn hma niin zing dar 6:00-ah Republic Day lawmna hi buatsaih a ni a, he Ni lawmna tihkhaihlak tum te chet lak hmaa Republic Day lawmna hi hman zawh a nih avangin buaina leh harsatna engmah awm lovin hun hman a ni.


Padma Award dawng tur

Sawrkar laipui chuan khua leh tui te hnena chawimawina a hlan thin Padma Award dawng tur kumin atan a puang leh ta a, Mizoram atangin Vanlalnghaka a tel a ni. Kum 91 mi Vanlalnghaka hi Literature and Education huangah ah he chawi-mawina hi pek a ni a, Hindi Grammar bu te siamin, Hindi zirna bu hrang hrang leh saptawng zirna bu a siam a, Hindi Prachar Sabha-ah Founder President a ni a, sawrkar hna a thawh laiin Scool Education Department-ah DEO a ni thin a, chumi hnuah DIET Principal niin a pension thlengin a thawk a ni.


Ruihhlo man sa halral

Mizoram Police te ruihhlo man sa thahnem chu High Level Drug Disposal Committee, Mizo-ram chuan niminpiah khan dan angin Incinerator, Trinity Hospital, Silaimual, Melthum-ah an halral a, heng ruihhlo halral tak te hi kum 2017-2021 chhunga Mizoram Police te man niin a vaiin Rs. 13,52,73,450/- hu a ni a, heng zingah hian Heroin kg. 7.158 zet telin Methamphetamine kg. 37.54 leh Ganja kg. 2.856 bakah ruihtheih thil dang te a tel a ni.

Comments

Popular posts from this blog

Volleyball S/F khel dawn