Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chanchin thar lawrkhawm :

MJA Conference hmanpui

Agriculture Minister C. Lalrinsanga chuan Inrinni khan Mizoram Journalists Association (MJA) Lunglei District Annual Conference Lunglei Press Club-a neih chu hmanpuiin hripui leng vanga Print Media in hlawkna a nei ta lo lai chuan rilru a tih kalthui thin thu sawiin, “Heti chunga chanchinbumite nghet taka hnaa in in vit bur tlat thin hi a ropui ka ti a. Awn lam nei thiang in ni lova, nghet taka kal a ngai a, chumi a pelhsawlh rual chuan MJA pawh a kalsual a ni ang,” tiin chanchinbu mite chu a fuih a ni. He hunah hian MJA General Hqrs. President Zonunsanga Khiangte pawhin Journalism chu rawngbawlna a ni tih a sawi a, “Sum leh pai tuihal huam huam tana thawh chi a ni lo a, chutiang beisei neia lo lut te chu an chhuak leh vat mai thin a, kan tawrh pawh hi a chhel a ni,” a ti bawk.


In lama enkawl hun titawi

Ministry of Health & Family Welfare in tun thla ni 5-a Revised Guidelines for Home Isolation a tihchhuah zulzuiin Mizoram-a COVID-19 hri In lama dahhrana enkawl (Home Isolation) te tana Standard Operating Procedure (SOP) chu siamthat niin hman nghal tura tih a ni a. Hemi ang hian COVID-19 kai, In lama in enkawlte chu positive tih hriat an nihna sample lak ni atanga ni sarih (7 days) tal a ral a, a hma ni 3 chhung (ni 5-na atanga ni 7-na thleng) a khawsik an neih loh bawk chuan an in khungna atanga chhuah theih a ni anga. Mask (hmaituamna) erawh tha takin an vuah chhunzawm zel tur a ni. Home Isolation hunbi hi sawi tak anga a zawhfel tawh chuan test neih leh kher a ngai tawh lovang.


Vaccine pek tawh dinhmun

Mizoram-ah nikum January 16 atanga CO-VID-19 vaccine pek hna kalpui ah Inrinni thleng khan mi 7,94,183 te hnenah Dose 1-na pe tawhin mi 6,14,589 te hnenah Dose 2-na pek a ni tawh bawk a, hei bakah hian mi18,177 te hnenah a Dose 3-na, Precautionary Dose pek a ni leh tawh bawk a ni.


Myanmar-a lut lo turin hriattir

Myanmar tualchhung buaina kal zelah tunhnai ah Mizoram hnaih, Khawmawi leh a chhehvel ah buaina chhuak awmin Myanmar atanga Mizoram lama raltlan rawn lut pawh an pung chho leh a. Hetianga buaina a awm avang hian tukin dar 6:00 atang hian Mizoram lam atangin Myanmar lamah mipuite chu lut lo tura hriattir an ni bawk.

Comments

Popular News (Last 30 Days)