National Girl Child Day, 2022 pualin thilpek hlan

National Girl Child Day, 2022 pualin nimin khan Serchhip District Hospital-a hmeichhe nau piang tharte hnenah Beti Bachao Beti Padhao (BBBP) Serchhip hmalakna in Mahila Shakti Kendra (MSK), Serchhip District-a thawktuten thilpek an hlan.

National Girl Child Day, 2022 puala thilpek hlanna hunah hian Women Welfare Officer V. Lalruatsangi chuan National Girl Child Day chu BBBP Serchhip chuan hmeichhe naupangte venhim leh zirtirna tha pek a tulzia inhrilhhriat nan an hman thin tih a sawi a. Kumin ah erawh pungkhawm zawnga hun hmante a rem chiah loh avangin Serchhip District Hospital-a tunhnaia fanu thar lo piangte enna an nei ta zawk tih a sawi a. District chhunga hmeichhe naupang zawng zawngte he ni-ah hian chibai an bukin duhsakna an hlan tih a sawi bawk.

Nimin-a he hun hman ah hian Serchhip District Hospital a hmeichhe naupiang thar mi pali (4) hnenah thilpek, pawisafai Rs. 2000/-, thuziak, BBBP T-Shirt leh naute mawza bun khat theuh hlan an ni a. He hunah hian VL. Remruatpuii District Co-ordinator, Sarah Lalbiakliani District Co-ordinator, MSK Serchhip leh Medical Superintendent Dr. Z.D Lalmuanawma ten thilpek hi an hlan a ni.

National Girl Child Day, 2022 pual hian Govt. Serchhip College NSS Unit, Red Ribbon Club & Women Cell pawhin an College-ah hun an hmang a, he hunah hian ‘Empowering Girl Child in our Society’ tih chu thupui-ah hmangin NSS Volunteers hmeichhia te zingah anmahni hma zawn theuha mi bik mi 5 te hnenah chawimawina thuziak an hlan bawk a ni.

Comments

Popular posts from this blog

Volleyball S/F khel dawn