Health Care leh a kaihhnawih zirhona nei

Zonuna Kawlni /

Mizoram State Health Care Society (MSHCS) buatsaihin World Bank Project, Mizoram Health System Strengthening Project (MHSSP) hnuaiah nimin khan Serchhip District-a Health Department-a hotute tan Health Care Scheme hrang hrang leh a kaihhnawih thil pawimawh zirhona neih a ni.

He zirhona Serchhip Press Club-a neih hi MSHCS-a CEO Dr. Biakthansangi chuan kaihruaiin he hun hmanpuitu Serchhip CMO Dr. Lalzawmi chuan hetiang hun buatsaih a ni chu lawmawm a tih thu leh State-a thawktu ten kan District-ah ngei kalchilha hun an rawn buatsaih chu vanneihthlak a tih thu a sawi bawk.

He hunah hian Serchhip District Medical Superintendent Dr. ZD. Lalmuanawma pawhin he huna kalkhawmte chu an hnathawh kawng hrang hrangah intuaithar zel a pawimawh thu sawiin, training hlawk tak an neih a beisei thu a sawi bawk.

He Training-ah hian Serchhip-a Health Department leh Health Care lam buaipuitute bakah Serchhip District chhunga Hospital, CHC leh PHC-a Medical Officer (MO) leh Block Account Manager te an tel a, MSHCS-a CEO Dr. Biakthansangi bakah Dr. C. Vanlalduhsaka Medical Officer, Lalzirtira Informatics Officer, Jason L. Renthlei Account Officer leh Dr. Lalbeiseia Renthlei Programme Manager ten zirtirna pein Mizoram State Health Care Scheme leh PM-JAY kaihhnawih hrang hrang zirho a ni.

Comments

Post a Comment

Popular News (Last 30 Days)

Thentlang VDP pawmpuina pe

Zonuna Kawlni /
Image
Serchhip District-a Thentlang khua ah tunhnai khan Village Defence Party (VDP) Unit din thar niin Serchhip SP hnena pawmpuina an dil angin nimin khan Serchhip SP chuan pawmpuina hi a pe a ni. Thentlang VDP Unit pawmpuina pek a nih rual hian nimin khan Serchhip Addl. SP Saiding-liana Sailo hovin a Pisa-ah VDP Member te tana tih tur leh tihloh tur te bakah harsatna sutkian dan hrang hrang inhrilhhriatna leh inkawmhona neih a ni a. Thentlang VDP Unit te hnenah hian an Member ten duty an neih huna an hman tur bungrua chi hrang hrang pek nghal an ni bawk.
Kimchang zawkin »