Serchhip District-ah COVID-19 hri kai hmuh tam ber ni a thleng

Nimin khan Serchhip District-ah COVID-19 hri kai mi 122 hmuhchhuah leh niin Serchhip District-ah ni khat-a hri kai hmuhchhuah an tam ber ni a ni.

Nimin a Serchhip District-a hri kai hmuhchhuah zinga 117 te hi Rapid Antigen Test hmanga sample 392 te atanga hmuh niin East Lungdar khua atangin hri kai 48 hmuh an ni a, an zinga 47 hi East Lungdar khua niin midang pakhat hi Melthum khua a ni thung a, Sialsir khua ah hri kai mi 31 hmuh niin Sailulak khua ah hri kai 21 hmuh an ni bawk. Hei bakah hian Serchhip-ah hri kai mi 8 hmuh niin Chhiahtlang-ah 4, Chhingchhip-ah 3 leh Piler leh Ngentiang khua ah hri kai mi pakhat ve ve hmuh an ni bawk. Hei bakah hian TrueNat Laboratory-a sample 17 enfiah atangin hri kai mi 5 hmuh an ni a, Serchhip Hmar Veng ami te vek an ni a. FIA hmanga sample enfiah 3 ah hri kai hmuh an awmlo thung.

Serchhip District-ah hian nikum October 25 khan hri kai mi 115 hmuhchhuah ni tawhin hei hi ni khat-a hri kai hmuhchhuah an tam ber ni a ni reng a, hei hi nimin khan khumin June 9, 2020-a Serchhip District-a hri kai hmuhchhuah a nih atanga ni khat a hri kai hmuhchhuah an tam ber ni a ni a, ni khat-a hri kai za aia tam hmuh tum thum a awm ta bawk a ni.

Nimin khan Serchhip District-a hri kai mi 25 te enkawl dam an ni ve leh bawk a, heti hian nimin thleng khan Serchhip District-a COVID-19 hri kai hmuhchhuah tawh chu 6176 niin an zinga 5788 te enkawl dam an ni tawh a, hri kai hmuhchhuah atanga za zela 93.71 te enkawl dam ni tawhin hri kai enkawllai 368 lai an awm leh tawh bawk a, hri kai zingah boral awm belh lovin mi 20 an boral tawh a ni.