Dy. Speaker in khaw 4 tlawh

Tuikum bialtu MLA leh Assembly Deputy Speaker Er. Lalrinawma chuan nimin khan a bial chhunga khaw pali, tunhnai COVID-19 hri leng in a tihbuai te chu a tlawh.

Tuikum bialtu MLA hian Rullam, Lungpho,Ngentiang leh Thinglian khua te tlawhin khawtlang hruaitu leh VLTF ten lo dawngsawngin 4C an din te pawh a tlawh a. Er. Lalrinawma chuan hri dona kawng ah Sawrkar, Kohhran, NGO leh VLTF ten theihtawp chhuah mahse hri lak a fihlim tur hian mimal tinte mawhphurhna a sang hle a, inven dan tur sawrkarin SOP a siam te zawm kan tum tlat zel a pawimawh a ni, a ti.

Dy. Speaker chuan mimal himna hian vantlang himna a thlen avangin vantlang himna tur chuan mitinte kan fimkhur tlan leh Vaccine kan lak that a pawimawh tih pawh sawiin, Khawi maw laiah vaccine la duh lo thawm hriat tur a awm thin chu pawi a tih thu a sawi a, Zoram mipui te vaccine la theuh turin a sawm bawk.

Tun dinhmunah Rullam-ah hri kai 109, Lungpho-ah 116, Ngentiang-ah 58 leh Thinglian ah 17 an awm mek a, hri hi a kal lam la ni riha a lan avangin an dinhmun tur hi hriatthiam ala harsa rih hle niin kan thudawnna chuan a sawi bawk.